Advertisement

నాని కామెంట్: నా 50 ఆయనతో.. ఆయన 25 నాతో

Posted : April 17, 2020 at 3:11 pm IST by ManaTeluguMovies

నాని అనే మామూలు కుర్రాడు.. ఇప్పుడు ‘నేచురల్ స్టార్’ అనే ట్యాగ్ తెచ్చుకుని రూ.30 కోట్లకు పైగా మార్కెట్ ఉన్న హీరోగా ఎదగడానికి ముఖ్య కారణం ఇంద్రగంటి మోహనకృష్ణ. అసలు హీరో అయ్యే ఉద్దేశమే లేని.. దర్శకుడవ్వాలనుకుంటున్న కుర్రాడిని తన సినిమాలో కథానాయకుడి పాత్రకు ఎంచుకుని.. తొలి సినిమాతోనే అతడిలోని అద్భుతమైన నటుడిని ఆవిష్కరించి.. ఇండస్ట్రీ అంతా ఆ కుర్రాడి వైపు చూసేలా చేసింది ఆయనే.

నాని తొలి సినిమా ‘అష్టాచెమ్మా’కు మోహనకృష్ణే దర్శకుడన్న సంగతి తెలిసిందే. ఈ సినిమాతో చాలా మంచి పేరు సంపాదించిన నాని.. తర్వాత వెనుదిరిగి చూసుకోలేదు. మధ్యలో కొంత స్ట్రగులైనప్పటికీ అవకాశాలేమీ ఆగిపోలేదు. బ్రేక్ తర్వాత వరుస సూపర్ హిట్లతో దూసుకెళ్లిపోయాడు. స్టార్ స్టేటస్ సంపాదించాడు. నాని సెకండ్ ఇన్నింగ్స్‌లో ‘జెంటిల్‌మేన్’ లాంటి విలక్షణ చిత్రంతో అతడికి మంచి హిట్ ఇవ్వడమే కాదు.. నటుడిగా అతడిలోని కొత్త కోణాల్ని ఆవిష్కరించిన ఘనత కూడా ఇంద్రగంటిదే.

ఇప్పుడు ‘వి’ అనే మరో విలక్షణ చిత్రంతో నానిని ఇంకా కొత్తగా ప్రెజెంట్ చేస్తున్నాడు. కరోనా ప్రభావం లేకుంటే ఈపాటికే ఆ చిత్రం రిలీజ్ కావాల్సింది. ఐతే ఎప్పుడు రిలీజైనా ఈ సినిమా సూపర్ హిట్ అనే ధీమాతో ఉంది చిత్ర బృందం. ‘వి’ నానికి 25వ సినిమా అన్న సంగతి తెలిసిందే. ఐతే నటుడిగా తన 50వ సినిమాకు కూడా ఇంద్రగంటే దర్శకత్వం వహించాలని కోరుకుంటున్నాడు నాని.

అంతే కాదు.. దర్శకుడిగా ఇంద్రగంటి 25వ సినిమాలోనూ తాను నటించాలంటున్నాడు. శుక్రవారం ఇంద్రగంటి పుట్టిన రోజు. ఈ సందర్భంగా ఆయనకు విషెస్ చెబుతూ నాని ఈ కామెంట్ పెట్టాడు. ‘వి’ అనుకున్నట్లే మార్చి 25న రిలీజైతే.. ఇంద్రగంటి పుట్టిన రోజు ఆయన కొత్త చిత్రం అనౌన్స్ అయ్యేదేమో. ఐతే ‘వి’ రిలీజయ్యాక తాను పెద్ద హీరోలతో యాక్షన్ ఎంటర్టైనర్లు తీయగలనని చాటిచెప్పి.. కెరీర్లో నెక్స్ట్ స్టెప్ వేయాలని ఇంద్రగంటి చూస్తున్నట్లు సమాచారం.


Advertisement

Recent Random Post:

తిరుమల శ్రీవారిని దర్శించుకున్న హీరో రామ్‌చరణ్‌

Posted : March 27, 2024 at 11:40 am IST by ManaTeluguMovies

తిరుమల శ్రీవారిని దర్శించుకున్న హీరో రామ్‌చరణ్‌

Advertisement
Advertisement
728x90 Ad
Advertisement

Politics

Advertisement
Advertisement
Advertisement
728x90 Ad
Advertisement