రెబల్‌ స్టార్‌ ప్రభాస్.. స్టార్‌ హీరోయిన్ అనుష్క జోడీని ఇష్టపడని వారు ఉండరు. ఇద్దరు కలిసి బాహుబలి సినిమాలో మ్యాజిక్‌ క్రియేట్‌ చేశారు అనడంలో సందేహం లేదు. అంతకు ముందు మిర్చి సినిమా లో కూడా వీరిద్దరి జోడీగా నటిస్తూ స్క్రీన్‌ పై ఉంటే అలాగే చూస్తూ ఉండిపోయిన వారు చాలా మంది ఉన్నారు. అలాంటి జోడీ గురించి ప్రస్తుతం ఆసక్తికర పుకారు ఒకటి షికారు చేస్తోంది.
ఈ పుకారు నిజం అయితే బాగుండు అనేది చాలా మంది బలంగా కోరుకుంటున్నారు. అసలు విషయం ఏంటంటే ప్రభాస్, అనుష్క జంటగా నటించాలని ఇప్పటికి కూడా చాలా మంది కోరుకుంటూ ఉన్నారు. కానీ అనుష్క కొన్ని కారణాల వల్ల సినిమాలకు దూరంగా ఉంటుంది. అనుష్క మిస్‌ శెట్టి మిస్టర్ పొలిశెట్టి సినిమా తో త్వరలో ప్రేక్షకుల ముందుకు రాబోతుంది.
ఆ సినిమా తర్వాత అనుష్క సినిమాలు చేస్తుందా లేదా అనే విషయమై రకరకాలుగా పుకార్లు షికార్లు చేస్తున్నాయి. ఈ నేపథ్యం లో ప్రభాస్ సినిమా లో అనుష్క ఉండే అవకాశాలు ఉన్నాయి అంటూ వార్తలు వస్తున్నాయి. అనుష్క ఎలాగూ సినిమాలకు గుడ్‌ బై చెప్పబోతుంది. కనుక అది ప్రభాస్ సినిమా తో అయితే ఫ్యాన్స్ చాలా హ్యాపీగా ఉంటారు అనేది కొందరి అభిప్రాయం.
ప్రస్తుతం మారుతి దర్శకత్వంలో ప్రభాస్ ఒక సినిమాని చేస్తున్న విషయం తెల్సిందే. ఆ సినిమాలో ఇప్పటికే హీరోయిన్స్ కన్ఫర్మ్‌ అయ్యారు. హీరోయిన్ గా కాకుండా ఒక ముఖ్య పాత్రలో అనుష్కను చూపించే అవకాశాలు ఉన్నాయంటూ వార్తలు వస్తున్నాయి. ప్రభాస్ కోరడంతో మారుతి ఆ పనుల్లో ఉన్నాడు అంటూ ఇండస్ట్రీ వర్గాల్లో గుప్పుమంటోంది.
ఇక వీరిద్దరి కాంబోలో సినిమా లేదా సన్నివేశాలు వస్తూ ఉంటే అభిమానులు కచ్చితంగా ఎగిరి గంతేయడం ఖాయం. అభిమానులతో పాటు ఇండస్ట్రీ వర్గాల వారు మీడియా సర్కిల్స్ వారు అంతా కూడా ఈ కాంబో కోసం ఆసక్తిగా ఎదురు చూస్తున్నారు.