Advertisement

ర‌జ‌నీకాంత్‌ని సూప‌ర్‌స్టార్ అని పిల‌వ‌నందుకు!

Posted : November 16, 2023 at 5:38 pm IST by ManaTeluguMovies

త‌మిళ యువ‌హీరో విష్ణు విశాల్ ప‌రిచ‌యం అవ‌స‌రం లేదు. ఇంత‌కుముందు రానాతో క‌లిసి అర‌ణ్య‌లో న‌టించాడు. అత‌డికి త‌మిళంలో చ‌క్క‌ని ఫాలోయింగ్ ఉంది. టెన్నిస్ స్టార్ జ్వాలా గుత్తాను పెళ్లాడిన అత‌డిపై తెలుగు స‌ర్కిల్స్ లోను ఆస‌క్తి నెల‌కొంది. అయితే రాంగ్ రీజ‌న్స్ తో ఇటీవల రజనీకాంత్ అభిమానులచే ట్రోలింగ్‌కు గురయ్యాడు. నవంబర్ 14 న అతడు కమల్ హాసన్ – అమీర్ ఖాన్‌లతో ఒక ఫోటోను తన సోషల్ మీడియాలో షేర్ చేసాడు. క్యాప్షన్‌లో వారిని సూపర్ స్టార్స్ అని పిలిచాడు. అయితే రజనీకాంత్‌ను మాత్ర‌మే త‌మిళులు సూపర్ స్టార్ అని ముద్దుగా పిలుచుకుంటారు. విష్ణు క్యాప్షన్‌లను చూసిన రజనీకాంత్ అభిమానులు తలైవర్ మాత్రమే సూపర్ స్టార్ అంటూ ట్రోల్ చేశారు. తీవ్ర వ్యతిరేకత తర్వాత విష్ణు తన పోస్ట్ శీర్షికను సవరించాడు. దాంతో పాటే ఒక మెసేజ్ ని షేర్ చేసాడు.

సూపర్ స్టార్ రజనీకాంత్‌తో కలిసి విష్ణు విశాల్ `లాల్ సలామ్`లో స్క్రీన్ షేర్ చేసుకోనున్నాడు. ఐశ్వర్య రజనీకాంత్ దర్శకత్వం వహించిన ఈ చిత్రం 2024 పొంగల్ సందర్భంగా విడుదల కానున్న సంగ‌తి తెలిసిందే.

అయితే ర‌జ‌నీని సూప‌ర్ స్టార్ అని అన‌క‌పోవ‌డంతో అభిమానులు విరుచుకుప‌డ్డారు. కమల్ హాసన్ – అమీర్ ఖాన్‌లకు సూపర్ స్టార్ టైటిల్‌ను ఉపయోగించడం పట్ల రజనీకాంత్ అభిమానులు మనస్తాపం చెందారు. విష్ణు విశాల్‌ను ట్రోల్ చేసి, సూపర్ స్టార్ ఒక్కరే ఉంటారని, అది రజనీకాంత్ అని విరుచుకుపడ్డారు. ఆ త‌ర్వాత విష్ణు త‌న‌ క్యాప్షన్‌ను మార్చారు.

విష్ణు విశాల్ తన వైఖరిని వివరిస్తూ తాజాగా ఒక మెసేజ్ ఇచ్చారు. “సూపర్ స్టార్‌లు ఒక కారణం కోసం సూపర్ స్టార్‌లు… నేను నా ట్వీట్‌ను ఎడిట్ చేసినంత మాత్రాన నన్ను బలహీనపరుస్తుంది… నేను సూపర్‌స్టార్ అయిన ప్రతి ఒక్కరినీ ప్రేమిస్తాను… కాబట్టి మీరందరూ నా టైమ్‌లైన్‌లో ప్రతికూలతను వ్యాప్తి చేయడానికి ప్రయత్నిస్తున్నారు. … మాకు ఒకే ఒక్క సూపర్‌స్టార్ బిరుదు ఉంటుంది…కానీ స్టార్ డ‌మ్ సాధించిన ప్రతి ఒక్కరూ సూపర్ స్టార్‌లు. అందరినీ ప్రేమించండి..

ప్రేమను పంచండి. ద్వేషం కాదు. గాడ్ బ్లెస్ “ అని రాసారు. ప్రస్తుతం నెట్‌ఫ్లిక్స్‌లో ప్రసారం అవుతున్న గట్ట కుస్తీలో విష్ణు విశాల్ చివరిగా కనిపించారు. త‌దుప‌రి విక్రాంత్‌తో `లాల్ సలామ్` 2024 పొంగల్‌లో థియేటర్లలో విడుదల అవుతుంది. లాల్ సలామ్ లో రజనీకాంత్ పొడిగించిన అతిధి పాత్రలో నటించనున్నారు.


Advertisement

Recent Random Post:

AP-TS Water Disputes : Water War Between Two Telugu States | AP Vs Telangana

Posted : December 1, 2023 at 11:43 am IST by ManaTeluguMovies

AP-TS Water Disputes : Water War Between Two Telugu States | AP Vs Telangana

Advertisement
Advertisement
728x90 Ad
Advertisement

Politics

Advertisement
Advertisement
Advertisement
728x90 Ad
Advertisement