టాలీవుడ్ లో సమంత బ్యాడ్ లక్ కొనసాగుతూనే ఉంది. ఖుషి తర్వాత సమంత చేయాల్సిన సినిమాలు చూస్తూనే చేతులు మారుతున్నాయి. బాలీవుడ్, టాలీవుడ్ రెండు చోట్ల వరుస సినిమాలు, వెబ్ సీరీస్ లు చేస్తున్న సమంతకు మయోసైటిస్ వ్యాధి వల్ల ఒక్కో ఆఫర్ ని మిస్ చేసుకుంటూ వస్తుంది. లేటెస్ట్ గా మరో మంచి అవకాశాన్ని కూడా సమంత కోల్పోయినట్టు తెలుస్తుంది. సమంత స్నేహితురాలు చిన్మయి భర్త ప్రముఖ నటుడు దర్శకుడు రాహుల్ రవింద్రన్ డైరెక్షన్లో ఓ సినిమా వస్తుంది.
గీతా ఆర్ట్స్ 2 బ్యానర్ లో రూపొందిస్తున్న ఈ సినిమాలో రష్మిక మందన్నని హీరోయిన్ గా లాక్ చేశారు. ది గర్ల్ ఫ్రెండ్ అనే టైటిల్ తో వస్తున్న ఈ సినిమా లో ముందు సమంతని హీరోయిన్ గా తీసుకోవాలని అనుకున్నారట. చిన్మయి రాహుల్ ఇద్దరు సమంతకు చాలా క్లోజ్ ఫ్రెండ్స్. అందుకే సమంతతోనే ఈ సినిమా చేయాలని వారు ఫిక్స్ అయ్యారు. కానీ సమంత హెల్త్ ఇష్యూస్ ఇంకా పూర్తిగా క్లియర్ కాకపోవడం వల్ల ఆమెను కాదని రష్మిక తో ఈ ప్రాజెక్ట్ చేయాల్సి వస్తుంది.
ఈ సినిమా సమంతతో చేయాలనే ఆలోచన దర్శకుడు రాహుల్ రవింద్రన్ కి ఉన్నా నిర్మాతలు మాత్రం సమంత కోసం వెయిట్ చేయడం ఎందుకు రష్మిక తో కానిచ్చేద్దాం అన్నారట. సో అందుకే నిర్మాతల ఇష్టం మేరకు రష్మికని ఈ సినిమాలో తీసుకున్నారని తెలుస్తుంది. టాలీవుడ్ లో ఈమధ్య ఫాం కోల్పోయిన రష్మిక మళ్లీ వరుస అవకాశాలు అందుకుంటుంది. బాలీవుడ్ లో రణ్ బీర్ కపూర్ తో యానిమల్ మూవీలో రష్మిక నటిస్తుంది.
అల్లు అర్జున్ పుష్ప 2 లో కూడా ఆమె భాగం అవుతుంది. ఈ రెండు సినిమాలే కాదు రెయిన్ బో అనే లేడీ ఓరియెంటెడ్ సినిమాను కూడా చేస్తుంది రష్మిక. ఇప్పుడు రాహుల్ రవింద్రన్ డైరెక్షన్ లో ది గర్ల్ ఫ్రెండ్ సినిమా చేస్తుంది. సమంత ప్లేస్ లో రష్మిక అంటూ కొన్నాళ్లుగా వార్తలు వస్తున్నా రాహుల్ సమంత ఫ్రెండ్ కాబట్టి ఆమె కోసం వెయిట్ చేస్తాడని అనుకున్నారు. కానీ ఊహించినట్టే సమంతని రష్మిక రీప్లేస్ చేసింది. ది గర్ల్ ఫ్రెండ్ సినిమా కథ ఏంటి. సినిమాలో హీరో ఎవరన్న డీటైల్స్ ఇంకా బయటకు రావాల్సి ఉంది. ఈ సినిమా తో రాహుల్ మరోసారి తన డైరెక్షన్ టాలెంట్ చూపించాలని చూస్తున్నాడు.