బాలీవుడ్ క‌పుల్స్ నిఖిల్ ప‌టేల్ -దిల్జీత్ కౌర్ విడిపోతున్న‌ట్లు కొన్ని రోజులుగా నెట్టింట ప్ర‌చారం సాగుతోన్న సంగ‌తి తెలిసిందే. నిఖిల్ కి వివాహేత‌ర సంబంధం ఉంద‌ని దిల్జీత్ అరోపించ‌డంతో సంచ‌ల‌నంగా మారింది. దిల్జీత్ త‌న కుమారుడుతో ఇండియాకి వ‌చ్చాక ఈ క‌థ‌నాలు తారా స్థాయికి చేరాయి. ఇందులో నిజ‌మెంతో? అబ్ద‌ద‌మెంత? అంటూ పెద్ద ఎత్తున చ‌ర్చ సాగింది. తాజాగా అన్ని క‌థ‌నాల‌కు నిఖిల్ ప‌టేల్ క్లారిటీ ఇచ్చేసాడు.
ఇద్ద‌రు విడిపోతున్న‌ట్లు క‌న్ప‌మ్ చేసాడు. ‘ఇద్ద‌రి మ‌ధ్య విబేధాలు త‌లెత్తాయి. వివాహం అనే పునాది బ‌లంగా ప‌డ‌లేదు. ఇద్ద‌రి మ‌ధ్యా చాలా భిన్నాభిప్రాయాలున్నాయి. కెన్యాలో ఉండ‌టం వ‌ల్ల ఇండియాతో పాటు త‌న కెరీర్ ని కూడా కోల్పోతుంది. కెన్యా వాతావ‌ర‌ణం అస్స‌లు న‌చ్చ‌లేదు. 2023 లో మా పెళ్లి జ‌రిగింది. చ‌ట్ట‌బ‌ద్దంగా పెళ్లి జ‌రిగినా రిజిస్ట‌ర్ కాలేదు. కెన్యాలో జీవించ‌డం ఆమెకి స‌వాల్ గా మారింది. మా కుమారుడు స్కూల్ కి వెళ్లాల‌నుకున్న‌ప్పుడు ఆమె తిరిగి కెన్యాకి వెళ్లే ఆలోచన‌లో లేద‌ని అర్ద‌మైంది.
దిల్జీత్ ఇండియాకి తిరిగి వెళ్ల‌డంతో మా బంధం ముగిసిన‌ట్లు అయింది. ఆమెకు భ‌విష్య‌త్ లో మంచి జ‌ర‌గాల‌ని కోరుకుంటున్నా. భార్య భ‌ర్త‌లుగా విడిపోయినా స్నేహితులుగా క‌లుస్తాం` అని అన్నారు. దీంతో ఇద్ద‌రి మ‌ధ్య విడాకులు క‌న్ప‌మ్ అయిన‌ట్లు తెలుస్తోంది. చ‌ట్ట‌బ‌ద్దంగా వివాహానికి రిజిస్ట్రేష‌న్ లేని నేప‌థ్యంలో కోర్టు నుంచి అధికారికంగా విడాకులంటూ ఏమీ ఉండ‌వ‌ని తెలుస్తోంది. మ‌రి దీనిపై మ‌రింత స్ప‌ష్ట‌త రావాల్సి ఉంది.
వివాహ‌మైన నాటి నుంచి దిల్జీత్ కౌర్ టీవీ షోల‌కు దూర‌మైంది. అప్ప‌టివ‌ర‌కూ వ‌రుస టీవీ షోల‌తో నార్త్ ఆడియ‌న్స్ లో ఎంతో ఫేమ‌స్ అయిన అమ్మ‌డి కెరీర్ లో వివాహం చాలా మార్పులు తీసుకొచ్చింది. టీవీ ప్ర‌పంచానికే దూర మైంది. వెబ్ సిరీస్ ల్లోనూ..మ్యూజిక్ వీడియోల‌తోనూ దిల్జీత్ ప్రేక్ష‌కుల్ని అల‌రించింది. విడాకులైన నేప‌థ్యంలో మ‌ళ్లీ కంబ్యాక్ అయ్యే అవ‌కాశాలున్నాయి.