మొన్నటి ఎపిసోడ్ లో ప్రారంభం అయిన కెప్టెన్సీ టాస్క్‌ కిల్లర్‌ కాయిన్‌ గేమ్‌ నిన్నటి ఎపిసోడ్ లో కూడా కొనసాగింది. గేమ్‌ నిన్నటి ఎపిసోడ్ లో మొదటి లెవల్‌ పూర్తి అయ్యింది. రెండవ లెవల్‌ కు వెళ్లింది. నేడు గేమ్‌ రెండవ లెవల్‌ మరింత రసవత్తరంగా సాగే అవకాశం ఉంది. ఇక నిన్నటి ఎపిసోడ్ మొత్తం గేమ్‌ లోనే ఇంటి సభ్యులు ఉన్నారు. ఇంటి సభ్యులు అంతా కూడా తమకు తోచినంత కాయిన్స్‌ ను దక్కించుకున్నారు. వాటిని వారు చాలా జాగ్రత్తగా పెట్టుకున్నారు. అర్థరాత్రి వరకు కాయిన్స్‌ పడుతూనే ఉన్నాయి. దాంతో అప్పటి వరకు ఎవరు పడుకోలేదు. రాత్రి మూడు గంటల తర్వాత కొందరు పడుకున్నారు. ఆ సమయంలో సోహెల్‌ మరియు మెహబూబ్‌ లు దొంగతనంకు సిద్దం అయ్యారు. అందరి వద్ద నుండి కూడా వారు కాయిన్స్‌ ను కొట్టి వేయడం మొదలు పెట్టారు.
ముఖ్యంగా అమ్మ రాజశేఖర్‌ మాస్టర్‌ వద్ద నుండి పూర్తి కాయిన్స్‌ ను సోహెల్‌ కొట్టి వేశాడు. గేమ్‌ లో కీలక కాయిన్‌ అయిన స్విచ్‌ కాయిన్‌ మెహబూబ్‌ చేతికి అందింది. అయితే ఆ కాయిన్‌ ప్రయోజనం అయ్యి ఉండదని వదిలేశాడు. వెంటనే దాన్ని సుజాతా దక్కించుకుంది. ఆ తర్వాత స్విచ్‌ కాయిన్‌ చాలా ముఖ్యమైనది అంటూ చెప్పడంతో మెహబూబ్‌ చాలా నిరుత్సాహ పడ్డాడు. మెహబూబ్‌ మరియు సోహెల్‌ లు ఆ కాయిన్‌ విషయమై చాలా విచారం వ్యక్తం చేశారు. మెహబూబ్‌ మరియు సోహెల్‌ లు కాయిన్స్‌ ను దొంగలించేందుకు తీవ్రంగా ప్రయత్నించారు. చివరకు వారు అనుకున్నట్లుగా ఇద్దరు టాప్‌ లో నిలిచారు. మెహబూబ్‌ అత్యధికంగా 4360 విలువ చేసే కాయిన్స్‌ ను కలిగి ఉన్నాడు.
కాయిన్స్‌ లెక్క తేలిన తర్వాత గేమ్‌ తర్వాత లెవల్‌ కు వెళ్తుందని ప్రకటించారు. ఇంటి సభ్యులు అంతా కూడా వెల్‌ ప్రో జాకెట్‌ ధరించారు. ఒక కిల్లర్‌ కాయిన్‌ తో అంతా ఆడాల్సి ఉంటుంది. ఆ కాయిన్‌ బజర్‌ మోగే సమయానికి ఎవరి వెల్‌ ప్రో జాకెట్‌ కు అంటి ఉంటుందో వారి కాయిన్స్‌ మొత్తం నుండి సగం తగ్గి పోతాయి. మొదట దివి ఈ ఆటను ఆరంభించింది. దివి సోహెల్‌ ను టార్గెట్‌ చేసింది. అతడికి అంటించేందుకు ప్రయత్నించింది.
ఆసమయంలో ఒక్కరిని టార్గెట్‌ చేయడం సరి కాదంటూ సోహెల్‌ అరిచాడు. అప్పుడే అమ్మ రాజశేఖర్‌ కూడా వచ్చి ఒక్కరిని టార్గెట్‌ చేసి ఎలా దొంగతనం చేశావు అంటూ ప్రశ్నించగా సోహెల్‌ కోపం కట్టలు తెంచుకుంది. ఇద్దరి మద్య గొడవ పీక్స్‌ కు చేరింది. అప్పుడే అవినాష్‌ కాలు నొప్పి అంటూ కింద పడిపోయాడు. అందరు కూడా అతడిని డాక్టర్‌ రూం కు తీసుకు వెళ్లారు. మరో వైపు మోనాల్‌ గజ్జర్‌ తనను టార్గెట్‌ చేశారు అంటూ కన్నీరు పెట్టుకుంది. ఇక సుజాత వద్ద ఉన్న స్విచ్‌ కాయిన్‌ తో ఇతరుల కాయిన్స్‌ ను తీసుకోవచ్చు అంటూ ప్రోమోలో చూపించారు. అంటే నేటి ఎపిసోడ్ మరింత రసవత్తరంగా ఉంటుందని అనిపిస్తుంది.
