ఆ నటి పేరు నిక్కీ గల్రాని. సంజనా గల్రాని సోదరి ఈమె. ఆది పినిశెట్టి, 2017లో విడుదలైన మరకతమణి చిత్రంలో ఈ ఇద్దరూ కలిసి నటించారు. నిక్కీ గల్రాని, తెలుగులో కృష్ణాష్టమి, మలుపు సినిమాల్లో నటించింది. తమిళంలో అయితే నిక్కీ బిజీ నటి అని చెప్పవచ్చు.
ఇంతకీ ఆది-నిక్కీ రిలేషన్ గురించి వార్తలు రావడానికి ప్రధాన కారణం.. ఆది తండ్రి రవిరాజా పినిశెట్టి పుట్టినరోజు వేడుకలు. రవిరాజా పినిశెట్టి పుట్టినరోజు వేడుకలు ఈ మధ్యనే ఘనంగా జరిగాయి. వీటికి పినిశెట్టి కుటుంబ సభ్యులతో పాటు నిక్కీ గల్రాని కూడా హాజరైంది.
ప్రస్తుతం చెన్నైలో లాక్ డౌన్ నడుస్తున్న నేపథ్యంలో నిక్కీ పినిశెట్టి కుటుంబ సభ్యులతో కలిసి ఫోటో దిగడం అంతటా చర్చనీయాంశమైంది. దీంతో ఆది-నిక్కీలు తమ రిలేషన్ మరో లెవెల్ కు తీసుకెళ్లారా అన్న చర్చ నడుస్తోంది. ఆమె తప్ప బయట వారు ఫొటోల్లో కనిపించకపోవడం గమనార్హం.