ప్రమాదం జరిగిన వెంటనే అజిత్ ను నగరంలోని ఓ ప్రైవేట్ ఆసుపత్రికి తరలించారు. అక్కడ డాక్టర్లు ఆయనకు చికిత్స అందిస్తున్నారు. అజిత్ గాయంతో షూటింగ్ కొన్నాళ్లు వాయిదా పడే అవకాశం ఉందని తెలుస్తోంది. సినిమాలో అజిత్ పోలీస్ ఆఫీసర్‌గా నటిస్తున్నారు. హెచ్.వినోద్ దర్శకత్వంలో ఈ సినిమా తెరకెక్కుతోంది. బోనీ కపూర్ నిర్మాత. అజిత్ సరసన హ్యూమా ఖురేషీ హీరోయిన్ గా నటిస్తోంది. తెలుగు హీరో కార్తికేయ సినిమాలో విలన్ గా నటిస్తున్నారు.
లాక్ డౌన్ కు మందు ఫిబ్రవరిలో కూడా వలిమై సినిమా షూటింగ్ లోనే ఆయన గాయపడ్డారు. ఇప్పుడు హైదరాబాద్ లో మరోసారి గాయపడ్డారు. ఈ బైక్ స్టంట్ కోసం చెన్నై నుంచి ప్రత్యేకించి బైక్ తెప్పించుకున్నారని తెలుస్తోంది. బైక్ నడపడం అజిత్ కు ఇష్టం కావడంతో ఈ సీన్ ను డూప్ లేకుండా చేసారని అంటున్నారు