సురేందర్ రెడ్డి సైరా నరసింహారెడ్డి సినిమా తర్వాత కొత్త సినిమాను మొదలు పెట్టలేదు. అఖిల్ తో గత ఏడాదే సినిమాను మొదలు పెట్టాల్సి ఉన్నా కూడా కరోనా కారణంగా వాయిదా పడింది. వచ్చే నెలలో సినిమాను పట్టాలెక్కించేందుకు సురేందర్ రెడ్డి దర్శకత్వం వహిస్తున్నాడు. ఈ సమయంలో హీరోయిన్ గా ముంబయి మోడల్‌ సాక్షి వైధ్యను ఫైనల్‌ చేసినట్లుగా తెలుస్తోంది. ఇప్పటికే ఆమెను ఆడిషన్స్‌ చేయడంతో పాటు టెస్ట్‌ షూట్‌ కూడా చేసినట్లుగా తెలుస్తోంది. అఖిల్ తో ఒక భారీ యాక్షన్‌ ఎంటర్‌ టైనర్ ను సురేందర్ రెడ్డి రూపొందించేందుకు స్క్రిప్ట్‌ రెడీ చేశారు.