సుకుమార్‌ దర్శకత్వంలో గతంలో వచ్చిన ఎక్కువ సినిమాల్లో సెకండ్‌ హీరోయిన్‌ లేనే లేదు. అలాగే ఈ సినిమా కూడా కొనసాగుతుందని అంటున్నారు. అయితే అనసూయ ఈ చిత్రంలో ఒక కీలక పాత్రలో నటిస్తుందని మాత్రం వార్తలు వస్తున్నాయి. రంగస్థలం చిత్రంలో రంగమ్మత్త తరహాలో కాస్త అటు ఇటుగా అనసూయ పాత్ర ఉంటుందని అంటున్నారు.
రష్మికతోనే బన్నీ ప్రేమ వ్యవహారం ఉంటుందని, మరో హీరోయిన్‌ను లవ్‌ ట్రాక్‌ కోసం పెట్టే ఆలోచన సుకుమార్‌ చేయడం లేదని చిత్ర పీఆర్‌ టీం ప్రకటించింది. ఈ విషయంలో గత కొన్ని రోజులుగా వస్తున్న వార్తలన్నీ కూడా పుకార్లే అని తేలిపోయింది. నివేదా థామస్‌ నటించబోతుందనే వార్తలకు ఇకపై అయినా ఫుల్‌ స్టాప్‌ పడుతుందేమో చూడాలి. ఇక ఈ చిత్రం షూటింగ్‌ను లాక్‌డౌన్‌ ఎత్తివేసిన తర్వాత కేరళలో చేసేందుకు ఏర్పాట్లు చేస్తున్నారు.