వాఖా గ్రామంలో లాల్ సింగ్ చద్దా సినిమా షూటింగ్ ను పూర్తి చేసుకున్నారు. షూటింగ్ ముగియడంతో అక్కడ నుండి అంతా వెళ్లి పోయారు. కాని వారు మిగిల్చిన జ్ఞాపకాలు మాత్రమే అలాగే ఉండి పోయాయి. అవి మంచి జ్ఞాపకాలు కాదు చెడు జ్ఞాపకాలు. వాఖా గ్రామంలో ఎక్కడైతే యూనిట్ సభ్యులు చిత్రీకరణ జరిపారో అక్కడ ప్రస్తుత పరిస్థితిని ఒక వ్యక్తి వీడియో తీసి సోషల్ మీడియాలో షేర్ చేశాడు. అతడి వీడియోకు విపరీతమైన రెస్పాన్స్ వచ్చింది.
అమీర్ ఖాన్ లాల్ సింగ్ చద్దా సినిమా వాఖా గ్రామానికి ఈ బహుమానం ఇచ్చారు అంటూ వారు వదిలేసిన ప్లాస్టిక్ మరియు చెత్తను వీడియోలో చూపించారు. సత్యమేవ జయతే అంటూ పెద్ద స్పీచ్ లు ఇచ్చే అమీర్ ఖాన్ కనీసం తమ సినిమా వల్ల ఏర్పడిన చెత్తను తొలగించే బాధ్యత కూడా లేదా అంటూ అతడు ప్రశ్నించాడు. ఆ వీడియోకు నెటిజన్స్ తీవ్రంగా స్పందిస్తున్నారు. అమీర్ ఖాన్ మాటల వరకే కాని ఆయన ఏ ఒక్క మంచి పని చేయరు అంటూ విమర్శలు గుప్పించారు. అమీర్ ఖాన్ పద్దతి పట్ల చాలా మంది చాలా విమర్శలు చేస్తున్నారు. మరి దీనిపై అమీర్ ఖాన్ స్పందన ఏంటీ అనేది చూడాలి.