పుష్ప సెట్‌ లో అడుగు పెట్టిన రంగమ్మత్త

అల్లు అర్జున్‌, సుకుమార్‌ల కాంబినేషన్‌ లో రూపొందుతున్న పుష్ప సినిమాలో తాను కూడా నటిస్తున్నట్లుగా రంగమ్మత్త అనసూయ క్లారిటీ ఇచ్చింది. సుకుమార్ గత చిత్రం రంగస్థలం లో రంగమ్మత్తగా ఆకట్టుకున్న ఈ అమ్మడు ప్రస్తుతం పుష్ప సినిమాలో నటిస్తున్నట్లుగా తెలుస్తోంది. పుష్ప సినిమా ఆరంభం అయిన మొదట్లో నే అనసూయ నటిస్తున్నట్లుగా వార్తలు వచ్చాయి. కాని ఆ వార్తలను అనసూయ కొట్టి పారేసింది. తాజాగా ఆమెకు పుష్ప నుండి పిలుపు వచ్చిందేమో షూటింగ్ లో జాయిన్ అయ్యింది.

హైదరాబాద్ లో నిన్న జరిగిన పుష్ప సినిమా షూటింగ్ లో ఆమె పాల్గొంది. ఈ విషయమై ఆమె క్లారిటీ ఇచ్చింది. పుష్ప క్లాప్‌ బోర్డ్‌ ను ఇన్ స్టా గ్రామ్‌ లో షేర్‌ చేయడం ద్వారా తాను పుష్ప సినిమాలో నటిస్తున్నట్లుగా హింట్ ఇచ్చింది. మరో రంగమ్మత్త వంటి పాత్రతో అనసూయ ఖచ్చితంగా పుష్ప సినిమాతో ఆకట్టుకుంటుందనే నమ్మకంను ఇండస్ట్రీ వర్గాల వారు వ్యక్తం చేస్తున్నారు. ప్రస్తుతం సినిమాకు సంబంధించిన షూటింగ్‌ కరోనా బ్రేక్ లేకుండా సాఫీగా సాగిపోతున్నట్లుగా అనసూయ పోస్ట్ ను బట్టి అర్థం అవుతోంది.