ఈ టాస్క్‌ ఫిజిల్‌ అవుతుందని అంతా అనుకున్నట్లుగానే ఫిజిల్‌ అవుతుంది. ఒకరిపై ఒకరు పడుతూ కాస్త సీరియస్‌గానే ఆడారు. ముఖ్యంగా అవినాష్‌ చావో రేవో అన్నట్లుగా పోరాడాడు. నిన్నటి ఎపిసోడ్‌ లో మోనాల్‌ అన్న మాటలకు బాగా హర్ట్‌ అయ్యాడా లేదంటే ప్రేక్షకులు తనను తిరష్కరించారనే ఆవేదనతో అలా ఆవేశంతో ఊగిపోయాడో తెలియదు కాని అవినాష్‌ మాత్రం పాల టాస్క్‌ లో ఓ రేంజ్‌ లో రెచ్చి పోయాడు. ఇదే సమయంలో సోహెల్‌ మరియు అఖిల్‌ లు కూడా ఫిజికల్‌ గా చాలా ఎఫర్ట్‌ పెట్టారు.
ఒకానొక సమయంలో అవినాష్‌ మరియు సోహెల్‌ లకు తీవ్రమైన గొడవ జరిగింది. ఆ గొడవ కాస్త సీరియస్‌ అవ్వడంతో ఇద్దరు కొట్టుకుంటారా అన్నట్లుగా ముందుకు వచ్చారు. చివరకు మళ్లీ ఎప్పటిలాగే సోహెల్‌ కూల్‌ అయ్యాడు. అవినాష్‌ కు అరటి పండు ఇచ్చేందుకు ప్రయత్నించాడు. కాని అవినాష్‌ మాత్రం ఒప్పుకోలేదు. ఈ టాస్క్‌ మరెంతగా సీరియస్‌ అవుతుందో చూడాలి.