ఈనెల 12న సోమవారం రామ్ దేవ్ ఉత్తరప్రదేశ్‌లోని మథురలో ఓ ఆశ్రమంలో యోగాసనాలు వేసేందుకు వెళ్లారు. అయితే.. అక్కడ ఉన్న ఏనుగు మీద ఎక్కి యోగాసనం చేయాలని నిర్ణయించారు. ఈ క్రమంలో ఏనుగుపై కూర్చుని ఆయన యోగా చేస్తున్నారు. అయితే.. ప్రమాదవశాత్తూ ఆయన ఏనుగు పైనుంచి కిందపడ్డారు. దీంతో అక్కడ ఉన్నవారంతా ఒక్కసారిగా షాక్ కు గురయ్యారు.
అయితే.. ఆయన కింద పడిన వెంటనే అంతే వేగంతో లేచి ముందకు నడిచారు. ఆయనకు ఎటువంటి గాయాలు కాలేదు. ప్రస్తుతం ఈ వీడియో ఇంటర్నెట్ లో వైరల్ అయింది. ఆ సమయంలో రామ్ దేవ్ ఏనుగుపై కూర్చుని పద్మాసనం వేసారు. ఈ క్రమంలో భ్రమరీ ప్రాణాయామం చేస్తుండగా ఏనుగు ఒకటి రెండు సార్లు కదిలింది. దీంతో.. ఆయన అదుపు తప్పి కిందపడ్డారు.