Advertisement

హమ్మయ్య బాలయ్య ఆ సినిమా చెయ్యట్లేదు

Posted : April 13, 2020 at 2:52 pm IST by ManaTeluguMovies

నందమూరి బాలకృష్ణ అంటే మాస్ జనాలలో ఒక రకమైన క్రేజ్ ఉంది. మనసు పెట్టి బాలయ్య ఒక మాస్ సినిమా చేసాడంటే రికార్డులు బద్దలుకావడం ఖాయం. అయితే బాలకృష్ణ తన సినిమాల ఎంపిక పట్ల విచిత్రంగా ప్రవర్తిస్తూ ఉంటాడు. తనను బెస్ట్ గా చూపించే దర్శకులతో కాకుండా అసలు ఫామ్ లో లేని వాళ్ళను, సినిమాలు చేయడం ఆపేసి మళ్ళీ మొదలుపెట్టాలని చూస్తున్న వాళ్లకు అవకాశాలు ఇస్తూ ఉంటాడు.

ఈ మధ్య బాలయ్య సినిమాలు చూసుకుంటే బోయపాటి శ్రీను, క్రిష్ తప్ప మిగతా వారందరూ అవుట్ డేట్ అయిన వారే. పి. వాసు, కె.ఎస్ రవికుమార్, జయంత్ సి పరాన్జీ, దాసరి నారాయణరావు లాంటి దర్శకులు లో ఫేజ్ లో ఉన్న సమయంలో, అసలు స్క్రిప్ట్ పై గ్రిప్ కోల్పోయిన తరుణంలో వాళ్ళతో సినిమాలు చేసి చేతులు కాల్చుకున్నాడు బాలయ్య.

అయితే ఎన్ని పరాజయాలు ఎదురైనా కానీ బాలయ్యలో మార్పు మాత్రం లేదు. ఎందుకంటే ఇప్పుడు బోయపాటి శ్రీనుతో సినిమా చేస్తున్న ఈ నందమూరి హీరో తర్వాతి సినిమాను ప్రేక్షకులు అందరూ ఎప్పుడో మర్చిపోయిన దర్శకుడు బి. గోపాల్ తో అన్న వార్తలు వచ్చాయి. దీనికి కథ అందించేది కూడా చిన్ని కృష్ణ అట. ఈయన లాస్ట్ హిట్ ఏదంటే చెప్పడం కూడా కష్టమే. ఇద్దరూ పూర్తిగా ఔటాఫ్ ఫోకస్ లో ఉన్న సమయంలో వాళ్లతో సినిమా చేయడం ఎంతవరకూ సమంజసం.

త్వరలోనే ఈ సినిమా పట్టాలెక్కుతోంది అన్న వార్తలు బాలయ్య అభిమానులను నిజంగానే కలవరపెట్టాయి. ఎందుకంటే బాలకృష్ణ ప్రస్తుతం ఫామ్ లో లేడు. గతేడాది హ్యాట్రిక్ డిజాస్టర్స్ నమోదు చేసాడు. బోయపాటి సినిమాతో హిట్ వచ్చినా మళ్ళీ బి. గోపాల్ వంటి దర్శకులతో సినిమాలు చేసి తిరిగి ప్లాప్ అందుకోవడం అభిమానులకు ఇష్టం లేదు.

అయితే కారణం తెలియదు కానీ బాలకృష్ణ ఈ ప్రాజెక్ట్ ను డ్రాప్ చేశాడన్న వార్త అభిమానులను ఇప్పుడు సంతోషపెడుతోంది. లాక్ డౌన్ పరిస్థితులు, సినిమా షూటింగ్ లు లేట్ అవ్వడం, సినిమా ఇండస్ట్రీ లాస్ లు వంటి కారణాలతో ప్రస్తుతానికి ఈ ప్రాజెక్ట్ ను బాలయ్య హోల్డ్ లో పెట్టినట్లు తెలుస్తోంది.


Advertisement

Recent Random Post:

Arvind Kejriwal Arrest Updates : నాతో కలిసి పనిచేసిన వ్యక్తి లిక్కర్ కేసులో ఉండటం బాధాకరం – Anna Hazare on Kejriwal Arrest

Posted : March 22, 2024 at 7:29 pm IST by ManaTeluguMovies

Arvind Kejriwal Arrest Updates : నాతో కలిసి పనిచేసిన వ్యక్తి లిక్కర్ కేసులో ఉండటం బాధాకరం – Anna Hazare on Kejriwal Arrest

Advertisement
Advertisement
728x90 Ad
Advertisement

Politics

Advertisement
Advertisement
Advertisement
728x90 Ad
Advertisement