నేడు బ్లాక్ బస్టర్ `నాంది` చిత్రాన్ని నిర్మించిన బ్యానర్ ఎస్వీ2 ఎంటర్ టైన్ మెంట్స్ లో గణేష్ నటించే మూడో సినిమా పూజా కార్యక్రమాలతో ప్రారంభమైంది. ఈ చిత్రానికి రాకేష్ ఉప్పలపాటి దర్శకత్వం వహిస్తున్నారు. దిల్ రాజు క్లాప్ కొట్టి ప్రారంభించగా అల్లరి నరేష్ కెమెరా స్విచ్ఛాన్ చేశారు. కార్యక్రమంలో బెల్లంకొండ గణేష్- లిరిసిస్ట్ కృష్ణచైతన్య సహా చిత్రబృందం పాల్గొన్నారు.
ఇది న్యూ ఏజ్ థ్రిల్లర్ జానర్ అని చిత్రబృందం వెల్లడించింది. ప్రముఖ దర్శకుడు తేజ శిష్యుడు రాకేశ్ ఉప్పలపాటి ఈ చిత్రం ద్వారా దర్శకుడిగా పరిచయం అవుతున్నారు. ఈ న్యూ ఏజ్ థ్రిల్లర్ కు రాకేశ్ స్క్రీన్ ప్లే రాయగా కథను అందించిన ప్రముఖ రచయిత కృష్ణ చైతన్య మాటలు పాటలను కూడా రాస్తున్నారు. వచ్చే నెల నుంచి రెగ్యులర్ షూటింగ్ ప్రారంభం అవుతుంది. మహతి స్వర సాగర్ సంగీతం అందిస్తున్న ఈ చిత్రానికి అనిత్ సినిమాటోగ్రాఫర్. ఛోటా కె.ప్రసాద్ ఎడిటర్. అన్నయ్య బెల్లంకొండ శ్రీనివాస్ స్టైల్లోనే గణేశ్ కూడా కెరీర్ ప్రారంభంలోనే వైవిధ్యమైన చిత్రాలను ఎంపిక చేసుకుంటున్నారు.