బిగ్‌బాస్‌ సీజన్‌ ప్రారంభంకు మూడు నెలల ముందే కసరత్తు ప్రారంభించాల్సి ఉంటుంది. పార్టిసిపెంట్స్‌ ఎంపిక కార్యక్రమం నుండి వారికి ఇవ్వాల్సిన టాస్క్‌లు హోస్ట్‌ సెట్టింగ్‌ రీ డిజైన్‌ ఇలా అన్ని ఏర్పాట్లు ప్రారంభించాల్సి. కాని ఇప్పటి వరకు అందులో ఏ ఒక్కటి ప్రారంభం కాలేదని మా వర్గాల ద్వారా సమాచారం అందుతోంది. బిగ్‌బాస్‌ సీజన్‌ 4 కు సంబందించి ఇప్పటి వరకు ఎలాంటి చర్చలు కూడా జరపలేదని స్టార్‌ మా ఛానెల్‌ ప్రతినిధి ఒకరు పేర్కొన్నారు.
ప్రస్తుతం ఉన్న పరిస్థితుల్లో బిగ్‌బాస్‌ షో నిర్వహణ సాధ్యం కాదు. కాని పరిస్థితులు కుదుట పడిన తర్వాత సీజన్‌ 4 కు సంబంధించిన సన్నాహాలు మొదలు పెట్టే అవకాశం ఉందన్నారు. ఈ ఏడాది చివరి వరకు అయినా సీజన్‌ 4ను ప్రారంభించే అవకాశం ఉందని అంటున్నారు. తెలుగుతో పాటు తమిళంలో కూడా సీజన్‌ 4 ను వాయిదా వేశారు. అక్కడ కూడా వచ్చే ఏడాది ఆరంభంలో సీజన్‌ 4ను ప్రారంభించే అవకాశం ఉందంటున్నారు.