కన్ఫెషన్‌ రూమ్‌ లో కొద్ది సేపు సస్పెన్స్‌ తర్వాత నాగార్జున కుమార్‌ సాయి ఎలిమినేట్‌ అంటూ ప్రకటించాడు. మోనాల్‌ కొద్ది సమయం కన్ఫెషన్‌ రూంలోనే ఉండు అంటూ కుమార్‌ సాయిని స్టేజ్ పైకి పిలిచాడు. స్టేజ్ పై కుమార్‌ సాయిని చూసిన ఇంటి సభ్యులు మోనాల్‌ ఏమై ఉంటుంది అనుకున్నారు. స్టేజ్ పైకి వెళ్లిన కుమార్‌ సాయి తనకు ఇచ్చిన కూరగాయలతో ఇంట్లోని వారిని పోల్చాడు. మొదట ఉల్లి గడ్డ అంటూ అరియానాను గంగవ్వ పదే పదే అనేది అందుకే అరియానా ఉల్లిగడ్డ అంది. నాగార్జున గారు అన్నారు అంటూ ఆటలో అరటి పండు అవినాష్ అన్నాడు. కరివేపాకు అఖిల్‌ అన్నాడు. ఆ సమయంలో అఖిల్‌ సీరియస్ అయ్యి నేను ఆడాను ఇక్కడ ఉన్నా నీవు ఆడావు అక్కడ ఉన్నావు అంటూ నాగార్జున ముందే అనేశాడు. అలా ఒకొక్కరికి ఒక్కో కూరగాయను ఇచ్చి చివరకు వెళ్లి పోయే ముందు ఒక డాన్స్‌ చేశాడు. కుమార్‌ డాన్స్‌ చేస్తున్న సమయంలో కన్ఫెషన్‌ రూం నుండి మోనాల్‌ హౌస్‌ లోకి వచ్చింది. ఆమె వచ్చిన వెంటనే అంతా ఆశ్చర్యపోయి ఆమెను వెల్‌ కం చేశారు.
ఇక ఎలిమినేషన్‌ కు ముందు సండే ఫన్‌ డే లో భాగంగా చాలా రకాల ఆటలను నాగార్జున ఇంటి సభ్యులతో ఆడించారు. డాన్స్‌ చేయించారు. ఆటలకు నోయల్‌ జడ్జ్‌ గా వ్యవహరించగా డాన్స్‌ కు అమ్మ రాజశేఖర్‌ జడ్జ్‌ గా వ్యవహరించాడు. మొత్తానికి ఆదివారం ఎపిసోడ్ అలా అలా ఎంటర్‌ టైన్‌మెంట్‌ ను ఎమోషన్‌ ను పంచింది. రేపటి నుండి ఏడవ వారంలోకి షో అడుగు పెట్టబోతుంది. రేపటి ఎపిసోడ్ లో నామినేషన్ పక్రియ జరుగబోతుందని ప్రోమోలో చూపించారు. ఇక ఏడవ వారంలో ఎవరు నామినేట్‌ అవ్వబోతున్నారో చూడాలి.