ఇక మూడో టాస్క్ గా స్కిల్ ను ఎంచుకున్నారు ప్లేయర్స్. అయితే దానికంటే ముందు కాజల్, షణ్ముఖ్ ల మధ్య గట్టి వాదనే జరిగింది. ఎవరు సేఫ్ గేమ్ ఆడారు, ఎవరు జెన్యూన్ గా ఆడారు అన్న విషయంలో వాదన ఎక్కడికో వెళ్ళింది. ఆ తర్వాత షణ్ముఖ్, సిరి కూర్చుని సన్నీ, మానస్, కాజల్ గ్యాంగ్ మీద.. వీళ్ళేమో వాళ్ళ మీద నెగటివ్స్ మాట్లాడుకుంటూ గడిపేశారు. ప్రస్తుతం ప్రియాంక ఏ గ్రూప్ లోకి చెందకుండా అలా ఉండిపోయింది. ఇక శ్రీరామ్ అయితే హౌజ్ లో లోన్లీ అయిపోయాడు. దానికి తోడు దెబ్బ ఉండడంతో మంచానికే పరిమితం అయ్యాడు. ఇక సిరి కూడా కట్టుతో ఉండడంతో స్కిల్ గేమ్ లో వాళ్ళ తరుపున వేరే వాళ్ళను ఆడించుకోవచ్చు అని బిగ్ బాస్ చెప్పాడు. శ్రీరామ్ బదులుగా సన్నీ, సిరి బదులుగా షణ్ముఖ్ గేమ్ ఆడటానికి డిసైడ్ అయ్యారు.
ఇక స్కిల్ లో భాగంగా వాటర్ ను పోసి గుంతలాంటి దాన్లో ఉన్న బాల్స్ ను పైకి తీసుకురావాల్సి ఉంటుంది. ఈ టాస్క్ లో అందరూ తమ శక్తికి మించి కష్టపడ్డారు. అయితే షణ్ముఖ్ చివరి స్థానంలో నిలవగా సన్నీ ఆరవ స్థానంలో మానస్ మొదటి స్థానంలో నిలిచారు. మూడు రౌండ్స్ పూర్తయ్యాక కాజల్, ప్రియాంక తక్కువ పాయింట్స్ తో ఎలిమినేట్ అయ్యారు. ఇక సన్నీ, షణ్ముఖ్ కు టై అవ్వడంతో వారిద్దరికీ టైబ్రేకర్ నిర్వహించారు. మళ్ళీ అదే టాస్క్ పెట్టగా ఒక్క సెకండ్ తేడాలో సన్నీ విజయం సాధించాడు.
మొత్తానికి మూడు రౌండ్స్ పూర్తయ్యాక మానస్ హయ్యస్ట్ 18 పాయింట్స్ తో ఉండగా శ్రీరామ్ 16 పాయింట్స్ తో రెండవ స్థానంలో, సిరి 15 పాయింట్స్ తో మూడో స్థానంలో, సన్నీ 10 పాయింట్స్ తో నాలుగో స్థానంలో ఉన్నారు. మరి వీరిలో ఏ ఇద్దరు ఎలిమినేట్ అవుతారు అన్నది రేపు తెలుస్తుంది. ప్రస్తుతానికి టికెట్ టు ఫినాలే గెలుచుకోవడానికి మానస్ కు ఎడ్జ్ ఉంది.