ఈ హైదరాబాద్ వర్షాలకు సెలబ్రిటీలు కూడా నానా ఇక్కట్లు పడ్డారు. సినీ నటుడు బ్రహ్మాజీ తాజాగా పెట్టిన పోస్ట్ ఇందుకు నిదర్శనమని చెప్పాలి. ఇది నా ఇల్లు అంటూ నిలిచిన వర్షపు నీటిలో చిక్కుకున్న తన ఇంటి ఫోటోను పోస్ట్ చేసాడు బ్రహ్మాజీ. మోకాళ్ళ లోతుకు పైగా నీరు బ్రహ్మాజీ ఇంటి చుట్టూ చేరడం గమనార్హం. తన నివసిస్తోన్న కాలనీ ఫోటోను కూడా పోస్ట్ చేయగా అక్కడ కార్ టైర్లు మునిగిపోయే రేంజ్ లో వర్షపు నీరు చేరింది.
కొంచెం నిలిచిన నీరు తగ్గుతోంది అనుకునేలోపే మళ్ళీ వర్షాలు కురుస్తుండడంతో ఎక్కడా నీటి నిల్వ తగ్గడంలేదు. ఆకాశం కొంచెం మేఘావృతమైనా మళ్ళీ ఎక్కడ వర్షం పడుతుందోనని హైదరాబాద్ వాసులు ఆందోళన చెందుతున్నారు.