సోషల్ మీడియాలో ఆయన ఎప్పటికప్పుడు ట్రెండ్‌ అవుతూనే ఉంటారు. అంతర్జాతీయ స్థాయి మీమ్‌ క్రియేటర్స్‌ కూడా బ్రహ్మానందం ఎక్స్ ప్రెషన్స్ తో మీమ్స్ చేస్తారు అంటూ ఇటీవలే నిరూపితం అయ్యింది. వందల కొద్ది పాత్రల్లో కనిపించిన బ్రహ్మానందం అద్బుతమైన నటనతో కామెడీ ఎక్స్ ప్రెషన్స్ తో వింత వింత యాంగిల్స్ తో కనిపించి మెప్పించాడు. అందుకే ఆయన బర్త్‌ డేను సోషల్ మీడియాలో అభిమానులతో పాటు సినీ ప్రముఖులు వైభవంగా సెలబ్రేట్ చేసుకుంటున్నారు. కామెడీలో సరిలేరు.. మీకు సాటి మరెవ్వరు లేరు హాస్యబ్రహ్మా అంటూ అభిమానులు ప్రశంసల వర్షం కురిపిస్తున్నారు. మళ్లీ ఆయన సినిమాల్లో నటించాలని అభిమానులు కోరుకుంటున్నారు. దర్శకులు ఆయన్ను కొత్తగా చూపించి ప్రేక్షకుల ముందుకు తీసుకు రావాలని ప్రతి ఒక్కరు ఆశిస్తున్నారు.