ఐతే లిస్ట్ దీంతో పూర్తవ్వలేదు. చిరంజీవి మరో సినిమాను ఒప్పుకునే అవకాశం ఉన్నట్లు సమాచారం. చిరంజీవి సినిమాల్లోకి రీ-ఎంట్రీ ఇచ్చిన దగ్గరనుండి అగ్ర నిర్మాత దిల్ రాజు తనతో సినిమా చేయాలని భావిస్తున్నాడు. ఈ నేపథ్యంలో పై మూడు చిత్రాలు పూర్తయ్యాక తనతో సినిమా చేయడానికి ఒప్పించాడు.
దర్శకుడిగా బోయపాటి శ్రీను పేరును తెరపైకి తీసుకొచ్చాడు దిల్ రాజు. బోయపాటి మొదటి చిత్రం భద్రను తెరకెక్కించింది దిల్ రాజే. అయితే ఆ తర్వాత నుండి ఇద్దరూ కలిసి పనిచేసింది లేదు. మళ్ళీ దిల్ రాజు బోయపాటితో కాంబోను సెట్ చేయనున్నట్లు తెలుస్తోంది. ఈ ప్రాజెక్టును చిరంజీవితో చేస్తే ప్రాజెక్ట్ కు మంచి హైప్ వస్తుందని భావిస్తున్నాడు. చూడాలి మరి ఏం జరుగుతుందో.