‘గతంలో ఇక్కడి ప్రజలకు కూడా నమ్మకం లేదు. కేసీఆర్.. వస్తుండు.. పోతుండు.. తెలంగాణ వస్తదా..? రాదా..? అని..! రాష్ట్రం సాధించాం.. ఏడేళ్లలో తెలంగాణలో రూపురేఖలు పూర్తిగా మారిపోయాయి’’అని సీఎం కేసీఆర్ అన్నారు. నారాయణ్‌ఖేడ్‌లోని సంగమేశ్వర, బసవేశ్వర ఎత్తిపోతల పథకాలకు శంకుస్థాపన చేసిన సందర్భంగా ఆయన మాట్లాడారు.
గతంలో నారాయణఖేడ్ చాలా వెనుకబడి ఉంది. నారాయణఖేడ్, జహీరాబాద్, ఆందోల్, సంగారెడ్డి నియోజకవర్గాలకు సంగమేశ్వర, బసవేశ్వర ఎత్తిపోతల ద్వారా లబ్ది చేకూరుతుంది. 4427 కోట్లతో చేపడుతున్న ఈ ప్రాజెక్టు ద్వారా దాదాపు 4 లక్షల ఎకరాలకు నీరందుతుంది. వచ్చే రెండేళ్లలో ఈప్రాజెక్టును పూర్తి చేస్తామన్నారు.