అయితే, నారాయణ ఆదివారం తిరుపతిలో విలేకరులతో మాట్లాడుతూ.. నాగార్జునపై విరుచుకుపడ్డారు. ఆయన సినిమాలు చూస్తుంటానని, ఆయన నటన అంటే అభిమానమని చెబుతూనే బిగ్ బాస్ హోస్ట్ గా నాగార్జున దారుణమైన పనులు చేశారని విమర్శలు గుప్పించారు. ఆ షోలో ముగ్గురు యువతుల ఫొటోలు పెట్టి.. ఒక యువకుడిని ఎవరికి ముద్దు పెడతావు? ఎవరితో డేటింగ్ చేస్తావు? ఎవరిని పెళ్లి చేసుకుంటావని అడిగారని విమర్శించారు. మహిళలకు ఇచ్చే గౌరవం ఇదేనా అని ప్రశ్నించారు.
ఆయన కుటుంబంలోని మహిళా నటుల ఫొటోలు పెట్టి అలా అడగగలరా అని నిలదీశారు. బిగ్ బాస్ పై హైకోర్టులో కేసు వేస్తానని చెప్పారు. వెంటనే నాగార్జున తెలుగు సమాజానికి క్షమాపణ చెప్పకుంటే ఎంతవరకు అయినా పోరాడతానని నారాయణ స్పష్టంచేశారు.