ప్రముఖ జాతీయ వార్తా సంస్థ ఈ కేసులో ఎన్‌ సీ బీ వారు త్వరలో బాలీవుడ్‌ స్టార్‌ హీరోయిన్‌ దీపిక పదుకునేకు నోటీసులు ఇవ్వబోతున్నట్లుగా తన కథనంలో పేర్కొంది. విచారణకు దీపిక హాజరు కావాల్సి ఉంటుందని సదరు వార్త కథనంలో రాయడంతో ఒక్కసారిగా బాలీవుడ్‌ వర్గాలతో పాటు దేశ వ్యప్తంగా సినీ వర్గాల వారు మరియు ప్రేక్షకులు షాక్‌ అవుతున్నారు. బాలీవుడ్‌లోనే కాకుండా దేశంలోనే నెం.1 హీరోయిన్‌ గా దీపిక పదుకునే నిలిచింది అనడంలో ఎలాంటి సందేహం లేదు. అత్యధిక పారితోషికం తీసుకుంటూ స్టార్‌ హీరోలను సైతం వెనక్కు నెట్టిన ఈ అమ్మడు ఇప్పుడు డ్రగ్స్ కేసులో ఉన్నట్లుగా ప్రచారం జరుగుతుండటం ఆమె అభిమానులకు ఆందోళన కలిగిస్తుంది.
డ్రగ్స్ కేసులో దీపిక పదుకునే మాత్రమే కాకుండా సారా అలీ ఖాన్‌.. శ్రద్దా.. కరిష్మా.. సిమోన్‌ లకు కూడా ఎన్‌సీబీ సమన్లు జారీ చేసే అవకాశం ఉందని జాతీయ మీడియాలో ప్రచారం జరుగుతోంది. నేడు వీరికి సమన్లు జారీ చేసి వెంటనే విచారించే అవకాశం ఉందని.. విచారణలో మరింత మంది పేర్లు వస్తాయనే అభిప్రాయంను ఎన్‌ సీ బీ అధికారులు అభిప్రాయం వ్యక్తం చేస్తున్నారట. ఈ వ్యవహారంలో టాలీవుడ్‌ కు చెందిన వారు కూడా ఒకరు ఇద్దరు ఉన్నారు అనే అనుమానాలు వ్యక్తం అవుతున్నాయి.