సిద్ధు `డీజే టిల్లు`గా ఇప్పటికే యూత్ లో హాట్ టాపిక్ గా మారాడు. ఈ సినిమాతో అతడి రేంజు మారిపోతుందన్న అంచనా ఏర్పడింది. ఇక మూవీ ఉపశీర్షిక ఆసక్తిని కలిగిస్తోంది. `అట్లుంటది మనతోని` అనేది ఈ సినిమా ఉపశీర్షిక. నేహా శెట్టి హీరోయిన్. ఈ బ్యూటీ అందచందాలు ప్రత్యేక ఆకర్షణగా నిలుస్తున్నాయి. విమల్ కృష్ణ దర్శకత్వం వహిస్తున్నారు. పీడీవీ ప్రసాద్ సమర్పణలో సూర్యదేవర నాగవంశీ ఈ సినిమాను నిర్మించారు. ఇప్పటికే షూటింగ్ పూర్తి చేసుకున్న ఈ చిత్రం సంక్రాంతి కానుకగా రిలీజ్ చేయాలని భావించారు. కానీ అనూహ్యంగా వాయిదా వేసారు. తాజాగా ఫిబ్రవరి 12న థియేటర్ లలో ఈ చిత్రాన్ని రిలీజ్ చేస్తున్నారు.
థియేట్రికల్ రైట్స్ ని ప్రైమ్ షో ఫిలింస్ దక్కిచుకుంది. తెలుగు రాష్ట్రాల్లో ఈ చిత్రాన్ని పెద్ద ఎత్తున రిలీజ్ చేస్తున్నారు. ఇప్పటికే రిలీజ్ అయిన ప్రచార చిత్రాలు శ్రోతల్ని ఆకట్టుకుంటున్నాయి. దీంతో సినిమాకి మంచి బజ్ క్రియేట్ అవుతోంది. ఇందులో ప్రిన్స్ సిసిల్..ప్రగతి..నర్రా శ్రీనివాస్..బ్రహ్మాజీ తదితరులు కీలక పాత్రలు పోషిస్తున్నారు.
