గత కొన్ని రోజులుగా మీడియాలో వస్తున్న వార్తలపై తాజాగా రాజ్ తరుణ్ స్పందించాడు. డ్రీమ్ గర్ల్ సినిమా రీమేక్‌ ఆగిపోయింది అంటూ వస్తున్న వార్తల్లో ఏమాత్రం నిజం లేదు. ఆ సినిమా షూటింగ్‌కు అన్ని ఏర్పాట్లు జరుగుతున్నాయి. త్వరలోనే సినిమా షూటింగ్స్‌ ప్రారంభం అవుతాయని, ఆ వెంటనే షూటింగ్‌ ప్రారంభిస్తామంటూ ప్రకటించారు.
తెలుగులో డ్రీమ్ గర్ల్ చిత్రం మంచి విజయాన్ని సొంతం చేసుకుంటుందనే నమ్మకంతో రాజ్ తరుణ్ ఉన్నాడు. తప్పకుండా ఈ సినిమాను రీమేక్‌ చేసి సక్సెస్‌ను కొట్టాలని పట్టుదలతో ఉన్నాడు. మరి ఈసారి అయినా రాజ్ తరుణ్‌కు సక్సెస్‌ దక్కేనా చూడాలి. గత రెండేళ్లుగా రాజ్ తరుణ్‌కు సక్సెస్‌ అనేది లేకుండా పోయింది. అందుకే ఈ సినిమా సక్సెస్‌ ఆయనకు చాలా కీలకంగా మారింది.