రుద్రమదేవి గురించి కొంతవరకే తెలిసిన ప్రజలకు సినిమా ద్వారా ఆమె వీరగాధను చెప్పారు గుణశేఖర్. రుద్రమదేవిగా అనుష్క అసాధారణ నటనను ప్రదర్శించింది. రుద్రమదేవిగా ఆ పాత్రకు ప్రాణప్రతిష్ట చేసిందంటే అతిశయోక్తి కాదు. మరో ముఖ్యపాత్రలో గోన గన్నారెడ్డిగా నటించిన అల్లు అర్జున్ సినిమాకే హైలైట్ నిలిచారు. రుద్రమదేవి వీరగాధను సినిమాలో గుణశేఖర్ చూపిన విధానానికి ప్రేక్షకులు ముగ్దులయ్యారు. 3డీ టెక్నలజీతో సినిమా తెరకెక్కించి ప్రేక్షకుల్ని కాకతీయుల కాలంలో ఉన్న అనుభూతి తీసుకొచ్చారు గుణశేఖర్.
కలెక్షన్లపరంగా కూడా రుద్రమదేవి 100 కోట్లు పైగా వసూలు చేసి సంచలనం రేపింది. ఒక లేడీ ఓరియంటెడ్ సినిమా ఈస్థాయి కలెక్షన్లు సాధించడం అదే ప్రధమం. రుద్రమదేవి వీరత్వం గురించి మెగాస్టార్ చిరంజీవి తన వాయిస్ ఓవర్ తో గాంభీర్యం తీసుకొచ్చారు. ఇళయరాజా సంగీతం సినిమాకు ఎస్సెట్. గుణశేఖర్ స్వీయ నిర్మాణంలో తెరకెక్కించిన ఈ సినిమా పలు అవార్డులు సాధించి తెలుగు సినిమా ఖ్యాతి పెంచింది.