ఇటీవలే ఒక ఆంగ్ల మీడియా హీరోయిన్ రకుల్ ప్రీత్ సింగ్ కు తెలుగులో అవకాశాలు కరువయ్యాయి అని హెడ్డింగ్ పెట్టి ఒక ఆర్టికల్ రాసింది. దీనిపై రకుల్ ప్రీత్ సింగ్ స్పందించింది. మీ క్లిక్స్ కోసం ఎలాంటి హెడ్డింగ్స్ అయినా పెట్టేస్తారా? అసలు ఇదేమి జర్నలిజం. నాకు అవకాశాలు కరువయ్యా అని ఎక్కడ చెప్పాను అని రకుల్ వాపోయింది.
నిజానికి రకుల్ ప్రీత్ అరడజను హిందీ ప్రాజెక్ట్స్ తో ఫుల్ బిజీగా ఉంది. లాక్ డౌన్ ఎత్తివేయడంతో ఒక్కసారిగా అన్ని సినిమాలు పట్టాలెక్కాయి. దీంతో కొత్త సినిమాలకు సంతకం చేయలేకపోతున్నాను. అందుకే తెలుగు సినిమాలకు దూరం కావాల్సి వచ్చింది అని చెప్పింది.
దీన్ని ఒక ఆంగ్ల మీడియా అలా మార్చి రాసిందన్నమాట. రకుల్ స్పందనకు దర్శకుడు హరీష్ శంకర్ కూడా ట్వీట్ చేసాడు. “నా ఫ్రెండ్ చెప్పిన కథ నీకు నచ్చి కూడా డేట్స్ సమస్య కారణంగా సైన్ చేయలేకపోయావు. ఇలాగే రాక్ చెయ్” అని హరీష్ ట్వీటాడు.
