దృశ్యం చిత్రం 2014లో ప్రేక్షకుల ముందుకు వచ్చింది. ఒరిజినల్‌ వర్షన్‌లో మోహన్‌లాల్‌, మీనాలు నటించారు. తెలుగులో వెంకటేష్‌, మీనాలు నటించారు, తమిళంలో కమల్‌ హాసన్‌, గౌతమిలు నటించారు. మోహన్‌లాల్‌, మీనాలతోనే సీక్వెల్‌కు స్క్రిప్ట్‌ రెడీ చేస్తున్నట్లుగా దర్శకుడు ప్రకటించాడు. ఒక వేళ మళ్లీ మలయాళంలో హిట్‌ అయితే వరుసగా తెలుగు, తమిళం, హిందీల్లో కూడా రీమేక్‌ అయ్యే అవకాశం ఉందని అంటున్నారు.
ఈసారి మరింత ఇంట్రెస్టింగ్‌ కంటెంట్‌తో దర్శకుడు జీతో జోషెష్‌ స్క్రిప్ట్‌ను రెడీ చేస్తున్నట్లుగా తెలుస్తోంది. ప్రస్తుతం స్క్రిప్ట్‌ వర్క్‌ జరుగుతున్న దృశ్యంను వచ్చే ఏడాది సెట్స్‌ పైకి తీసుకు వెళ్లే అవకాశం ఉందని అంటున్నారు. అన్ని అనుకున్నట్లుగా జరిగితే దృశ్యం 2 వచ్చే ఏడాది చివరి వరకు ప్రేక్షకుల ముందుకు రావచ్చు అంటున్నారు.