ఈ సమయంలోనే ప్రపంచ వ్యాప్తంగా జార్జ్‌ ప్లాయిడ్‌ ఉదంతంపై ప్రముఖులు స్పందిస్తున్నారు. నిరసనకారులకు మద్దతుగా పెద్ద ఎత్తున ప్రముఖులు బ్లాక్‌ లైవ్స్‌ మేటర్‌ హ్యాష్‌ ట్యాగ్‌తో ట్వీట్స్‌ చేస్తున్నారు. ఇండియన్‌ సెలబ్రెటీలు కూడా ఈ హ్యాష్‌ ట్యాగ్‌తో జార్జ్‌ ప్లాయిడ్‌ మృతి పట్ల సంతాపం తెలియజేస్తూ ట్వీట్‌ చేశారు. టాలీవుడ్‌ సూపర్‌ స్టార్‌ మహేష్‌ బాబు ఈ విషయంలో స్పందిస్తూ న్లటి ఇమేజ్‌ ను పోస్ట్‌ చేసి బ్లాక్‌ ఔట్‌ ట్యూస్‌డే అంటూ ట్వీట్‌ చేశాడు. తాజాగా కియారా అద్వానీ కూడా ఈ హ్యాష్‌ ట్యాగ్‌ తో ట్వీట్‌ చేసింది. అయితే ఆమెకు ఈ విషయంలో స్పందించే అర్హత లేదు అంటూ నెటిజన్స్‌ విమర్శలు చేస్తూ ఉన్నారు.
కియారా అద్వానీ ఫెయిర్‌నెస్‌ క్రీమ్‌కు బ్రాండ్‌ అంబాసిడర్‌. నల్ల చర్మంకు వ్యతిరేకంగా ప్రచారం చేస్తూ తెలుపు చర్మం పట్ల మమకారం చూపించే నీకు ఈ విషయంలో స్పందించే హక్కు ఎక్కడిది అంటూ నెటిజన్స్‌ ప్రశ్నిస్తున్నారు. నల్ల జాతీయులు, నల్లని చర్మం ఉన్న వారు అంటేనే నీకు నచ్చదు అన్నట్లుగా ఆ ఫెయిర్‌ నెస్‌ క్రీమ్‌కు అంబాసిడర్‌గా వ్యవహరిస్తున్నావు. కనుక నీవు ఈ విషయంలో స్పందించవద్దంటూ ఆమెను టార్గెట్‌ చేసి కొందరు కామెంట్స్‌ పెట్టారు. ఈ విషయంలో కియారా అద్వానీ ఎలా స్పందిస్తుందో చూడాలి.