కమల్ ప్రచారంలో అక్షర, సుహాసిని తీన్మార్ స్టెప్స్

విశ్వనటుడు కమల్ హాసన్ రాజకీయాల్లో చురుగ్గా పాల్గొంటున్న విషయం తెల్సిందే. ఈసారి ఎన్నికలలో బరిలో దిగుతున్నారు కమల్. కోయంబత్తూరు దక్షిణ నియోజకవర్గం నుండి కమల్ హాసన్ పోటీ చేయబోతున్నారు. ఈ మేరకు ప్రచారం ఊపందుకుంది.

ఈ ప్రచారంలో కమల్ హాసన్ కూతురు అక్షర హాసన్, అన్న చారు హాసన్ కూతురు సుహాసిని కూడా పాల్గొంటున్నారు. వీరిద్దరూ ఇంటింటికీ తిరిగి కమల్ కు ఓటేయమని ఓటర్లను అభ్యర్థిస్తున్నారు. ఈ క్రమంలో సుహాసిని, అక్షర ఇద్దరూ డప్పులకు తీన్మార్ డ్యాన్సులు వేస్తున్నారు. ఈ వీడియో ప్రస్తుతం వైరల్ అయింది.

సుహాసిని కూడా తమ ప్రచారానికి సంబంధించిన ఫోటోలను, వీడియోలను ఎప్పటికప్పుడు సోషల్ మీడియాలో షేర్ చేస్తోంది. సినిమాల పరంగా కమల్ హాసన్ నటిస్తోన్న ఇండియన్ 2 ఆగిపోయింది. లోకేష్ కనగరాజ్ దర్శకత్వంలో విక్రమ్ సినిమా షూటింగ్ దశలో ఉంది.