దేవి రేంజ్ ఈ మధ్య కొంచెం తగ్గిన విషయం తెల్సిందే. దీంతో చాలా మంది దర్శకులు అతణ్ణి దూరం పెట్టేసారు. అయితే కొరటాల శివ మాత్రం అతణ్ణి కంటిన్యూ చేస్తారని ఆశించారు. ఎందుకంటే కొరటాల సినిమాలకు ఎప్పుడూ దేవి అన్యాయం చేసింది లేదు. చేసిన నాలుగు చిత్రాలకు కూడా బ్లాక్ బస్టర్ ఆడియో ఇచ్చాడు. అయితే ఆచార్యలో దేవితో పనిచేయక పోయినా కొరటాల, దేవి మధ్య సఖ్యత చెడిపోలేదని తెలుస్తోంది.
ఇప్పటికీ ఇద్దరూ టచ్ లోనే ఉన్నారని, ఈ ఒక్క సినిమా తర్వాత మళ్ళీ ఇద్దరం కలిసి పనిచేస్తారని అంటున్నారు. ఆచార్యలో దేవి పనిచేయకపోవడానికి చరణ్, చిరు కారణమని వారే మణిశర్మ పేరుని రికమెండ్ చేసారని తెలుస్తోంది. దేవి కూడా పరిస్థితి అర్ధం చేసుకుని కొరటాల శివతో హెల్తి రిలేషన్ షిప్ మైంటైన్ చేస్తున్నట్లు సమాచారం.