అత్తారింటికి దారేది సినిమా ఫంక్షన్ వేదికపై కోట గురించి పవన్ చెప్పిన మాటలే అందుకు నిదర్శనం. ‘కోట పెద్దవారు.. ఆయన గురించి ఏమని చెప్తాను? ఆయన గురించి మాట్లాడే వయసు, అనుభవం నాకు లేవు’ అన్నారు. కెరీర్లో తొలిసారి ఓ నటుడిగా నాకే గర్వంగా అనిపించి.. ఆనందభాష్పాలు వచ్చిన సమయం అని కోట చెప్తూ ఉంటారు. త్రివిక్రమ్ సినిమాల్లో ఆయన పోషించిన పాత్రలు కూడా అంతే సున్నితమైన పాత్రలు. కేవలం హావభావాలు, డైలాగ్స్ తప్పించి పెద్దగా కష్టపడేవి కావు. వాటిని కోట మాత్రమే ఇలా చేయగలరని నిరూపించారు కూడా.
జులాయిలో సోనూసూద్ తో జరిగే సంభాషణల్లో త్రివిక్రమ్ రాసిన ‘రిషికొండ నుంచి భీమిలికి వెళ్ళే రూట్‌లో..’ అనే డైలాగ్ ఉంటుంది. ఇటువంటి డైలాగులకు కోట నటన ప్రాణం పోసిందనే చెప్పాలి. ‘హ్యాండికేప్డ్ ను కామెంట్ చేయకూడదు’ అనే డైలాగులు కూడా సున్నితమైన మనసు కూడా ఉండాలని కోట అంటారు. పాత్రలకు, డైలాగులకు ప్రాణం పోసి జీవించే మీలాంటి నటుడు కూడా ముఖ్యం అని త్రివిక్రమ్ అంటూ ఉంటారు. సన్నాఫ్ సత్యమూర్తిలో చిన్నపాత్రే అయినా త్రివిక్రమ్ రాసిన విధానం.. వయసుకు తగ్గట్టు కోట నటించిన విధానం ప్రేక్షకుల్లో మంచి పేరు తీసుకొచ్చిందనే చెప్పాలి.