తెలుగులో ఆ పాత్రను ఎవరితో చేయిస్తారు అనేది గత కొన్నాళ్లుగా మీడియాలో చర్చ జరుగుతోంది. పలువురు సీనియర్‌ హీరోయిన్స్‌ పేర్లు ప్రస్థావనకు వచ్చాయి. తాజాగా మరో హీరోయిన్‌ పేరు ప్రచారం జరుగుతోంది. ఖుష్బును చిరంజీవి చెల్లి పాత్రలో నటింపజేసేందుకు చర్చలు జరుగుతున్నాయట. స్వయంగా చిరంజీవి ఈ విషయమై చిత్ర యూనిట్‌ సభ్యులకు సలహా ఇవ్వగా ఆమెకు కథను చెప్పేందుకు సుజీత్‌ రెడీ అయ్యాడట.
తెలుగు వర్షన్‌ కోసం చాలా మార్పులు చేర్పులు చేశారు. చివరకు సినిమాను తెలుగు ప్రేక్షకుల కోసం సగానికి పైగా మార్చారు. అందుకే సినిమాపై అంచనాలు ఆకాశాన్ని అంటేలా ఉన్నాయి. మలయాళ సూపర్‌ స్టార్‌ మోహన్‌ లాల్‌ చేసిన ఈ సినిమా మెగాస్టార్‌కు అద్బుతంగా సెట్‌ అవుతుంది అనేది మెగా ఫ్యాన్స్‌ నమ్మకం. వచ్చే ఏడాది ఈ చిత్రాన్ని ప్రేక్షకుల ముందుకు తీసుకు వచ్చే అవకాశం ఉంది. మరి లూసీఫర్‌ లో చిరుకు చెల్లి పాత్రలో ఎవరు నటిస్తారు అనేది షూటింగ్‌ ప్రారంభ సమయంకు తేలే అవకాశం ఉంది.