వినడానికి ఎబ్బెట్టుగా అనిపించినప్పటికీ.. ఈ కథను కన్విన్సింగ్‌గా చెప్పి, సినిమాను వినోదాత్మకంగా మలిచి ప్రేక్షకులను మెప్పించాడు యువ దర్శకుడు రవికాంత్ పేరెపు. ఓటీటీలకు బాగా నప్పే ఇలాంటి సినిమాలు మరిన్ని టాలీవుడ్లో తెరకెక్కుతున్నాయి. ఈ కోవలో రానున్న కొత్త చిత్రం.. లవ్ లైఫ్ అండ్ పకోడి.
బిమల్, సంచిత అనే కొత్త హీరో హీరోయిన్లతో జయంత్ గాలి అనే నూతన దర్శకుడు స్వీయ నిర్మాణంలో రూపొందించిన చిత్రమిది. మధుర శ్రీధర్ రెడ్డి సమర్పకుడు. రానా దగ్గుబాటి ఈ చిత్ర ట్రైలర్‌ను లాంచ్ చేశాడు. సినిమా విశేషాల్లోకి వెళ్తే.. ఓపెనింగ్ డైలాగ్‌తోనే ఈ చిత్రం ఎంత బోల్డ్‌గా ఉంటుందో చెప్పేశాడు దర్శకుడు.