షూటింగ్ మొదలవ్వడానికి ఇంకా చాలా సమయం ఉంది కాబట్టి దర్శకుడు పరశురామ్ ప్రీ ప్రొడక్షన్ పనులను పక్కా ప్లానింగ్ తో టైమ్ తీసుకుని కానిస్తున్నాడు. తాజా సమాచారం ప్రకారం ఈ చిత్రంలో పాత్రలకు నటీనటులను, సాంకేతిక నిపుణులను ఎంచుకునే పనిలో నిమగ్నమై ఉన్నాడు పరశురామ్.
గత కొన్ని రోజుల నుండి ఈ సినిమాలో ప్రముఖ పాత్రకు నాటితరం అందాల నాయిక ఎంపికైందని వార్తలు వస్తున్నాయి. 90లలో తన అందంతో, అభినయంతో ఇండియాను ఊపేసిన భాగ్యశ్రీ సర్కారు వారి పాటలో మహేష్ తల్లి పాత్ర పోషిస్తోందని అంటున్నారు. అయితే దీనిపై ఇంకా ఎటువంటి అధికారిక సమాచారం లేదు.
సర్కారు వారి పాటలో హీరోయిన్ గా కీర్తి సురేష్ ఎంపికైన విషయం తెల్సిందే. బ్యాంకింగ్ వ్యవస్థలో జరిగే మోసాల నేపథ్యంలో ఈ సినిమా కథ సాగనుంది.