రాజమౌళి ప్రస్తుతం చేస్తున్న ఆర్‌ ఆర్‌ ఆర్‌ సినిమా అక్టోబర్‌ లో విడుదల కాబోతుంది. కనుక అదే సమయంలో మహేష్ బాబుతో సినిమాను అధికారికంగా ప్రకటించే అవకాశాలు కనిపిస్తున్నాయి. ఖచ్చితంగా ఈ సినిమా పై అంచనాలు భారీగా ఉంటాయి. అంచనాలకు తగ్గట్లుగా ఈ సినిమాను జక్కన్న తీస్తాడని ఇప్పటి నుండే జనాల్లో ఆసక్తి కనిపిస్తుంది. రాజమౌళి ఈ సినిమాలో మహేష్ బాబును చత్రపతి శివాజీ గా చూపించబోతున్నాడనే వార్తలు వస్తున్నాయి. గత చిత్రాల మాదిరిగా కాకుండా కేవలం ఏడాదిన్నర లేదా రెండేళ్లలోనే మహేష్ తో సినిమాను పూర్తి చేసేలా ప్లాన్‌ చేస్తున్నారు. అన్ని విషయాలపై త్వరలో క్లారిటీ వచ్చే అవకాశం ఉంది.