పరశురామ్‌ ప్రస్తుతం మహేష్‌బాబు 27వ చిత్రం స్క్రిప్ట్‌ పనుల్లో ఉన్నాడని తెలుస్తోంది. తాజాగా దర్శకుడు పరశురామ్‌తో మీడియా ప్రతినిధి మాట్లాడిన సమయంలో నాగచైతన్య మూవీ విషయం ఏంటీ అంటూ ప్రశ్నించగా తప్పకుండా నాగచైతన్యతో మూవీ ఉంటుందని పేర్కొన్నాడు. అయితే అది ఎప్పుడు అనేది మాత్రం క్లారిటీ ఇవ్వలేదు. అలాగే ఆయన మహేష్‌బాబు సినిమా చేస్తున్నట్లుగా కూడా కన్ఫర్మ్‌ చేయడంలేదు.
స్క్రిప్ట్‌కు మహేష్‌బాబు ఓకే చెప్పిన తర్వాతే పరశురామ్‌ సినిమా విషయాన్ని క్లారిటీ ఇచ్చే అవకాశం ఉంది అంటున్నారు. మహేష్‌బాబు స్క్రిప్ట్‌ ఓకే చేస్తే వెంటనే ఆయనతో పరశురామ్‌ సినిమా మొదలు పెడతాడట. లేదంటే నాగచైతన్యతోనే సినిమా ఉంటుందని సినీ వర్గాల వారు అంటున్నారు. మహేష్‌బాబుతో పరశురామ్‌ సినిమాను కూడా 14 రీల్స్‌ వారే నిర్మించబోతున్నట్లుగా సమాచారం అందుతోంది.