పూజ హెగ్డే ఫామ్ ఇప్పుడు మాములుగా లేదు. వివిధ భాషల్లో వరసగా చిత్రాలను చేస్తోంది. విజయ్ సరసన బీస్ట్ లో నటించిన పూజ ఇప్పుడు తెలుగు లో ఒకటి, హిందీలో ఒకటి చిత్రాలను ఎంచుకుంది. తెలుగులో మహేష్ బాబు – త్రివిక్రమ్ శ్రీనివాస్ సినిమాలో హీరోయిన్ గా ఎంపికైన విషయం తెల్సిందే. అలాగే హిందీలో సల్మాన్ ఖాన్ సరసన భాయిజాన్ లో కూడా నటించనుంది. ఈ రెండు చిత్రాల షూటింగ్స్ కూడా ఏప్రిల్ లో మొదలయ్యే అవకాశాలు ఉన్నాయి.
ఇవి కాకుండా ఇప్పుడు పూజ హెగ్డే తెలుగు – తమిళ్ ద్విభాషా చిత్రాన్ని ఒప్పుకున్నట్లు తెలుస్తోంది. వెంకట్ ప్రభు దర్శకత్వంలో అక్కినేని నాగ చైతన్య హీరోగా నటించనున్నాడు. ఈ సినిమాకు సంబంధించిన ప్రకటన త్వరలోనే వచ్చే అవకాశముంది.
ఈ చిత్రం కోసం పూజ హెగ్డేను అప్రోచ్ అవ్వగా పాజిటివ్ గా రెస్పాండ్ అయినట్లు తెలుస్తోంది. త్వరలోనే ఈ ప్రాజెక్ట్ ను సైన్ చేసే అవకాశముంది.