ప్రముఖ డిస్ట్రిబ్యూటర్‌ ఏషియన్‌ సునీల్‌ నిర్మాతగా మారి నాగచైతన్య, శేఖర్‌ కమ్ముల కాంబినేషన్‌లో ‘లవ్‌ స్టోరీ’ చిత్రాన్ని నిర్మించిన విషయం తెల్సిందే. ఆ సినిమాను త్వరలో విడుదల చేయబోతున్నారు. తాజాగా ఏషియన్‌ సునీల్‌ తన రెండవ సినిమాను కూడా శేఖర్‌ కమ్ముల దర్శకత్వంలోనే అంటూ ప్రకటించాడు. ఆ రెండు కాకుండా సునీల్‌ ఇటీవల నాగార్జునతో కూడా సినిమాకు ఒప్పందం కుదుర్చుకున్నాడట. ఆ సినిమాకు జాతీయ అవార్డు గ్రహీత అయిన ప్రవీన్‌ సత్తారు దర్శకత్వం వహించబోతున్నాడు.
గరుడవేగ అనే విభిన్నమైన సినిమాను తెరకెక్కించిన దర్శకుడు ప్రవీణ్‌ సత్తారు మరో విలక్షణమైన కథను నాగార్జునకు వినిపించడం ఆయన ఓకే చెప్పడం జరిగి పోయిందట. మొదట ఈ దర్శకుడు పుల్లెల గోపీచంద్‌ బయోపిక్‌ను తెరకెక్కించాలని భావించాడు. కాని అంతకు ముందే నాగార్జునతో మూవీని చేసే అవకాశం ఉందని ఇండస్ట్రీ వర్గాల్లో టాక్‌ వినిపిస్తుంది. ఈ కాంబోకు సంబంధించి త్వరలో అధికారిక ప్రకటన వచ్చే అవకాశం ఉంది.