బిగ్బాస్ హోస్ట్ అంటే సూటు, బూటు వేసుకుని స్టయిలిష్గా కనిపించడమే ఆనవాయితీ. దానిని గత ఏడాది నాగార్జున బ్రేక్ చేసి తన పూల చొక్కాలు, టీ షర్టులతో అలరించారు. ఈసారి ఏకంగా స్టేజీపై ద్విపాత్రాభినయమే చేసేసారు. ఈ తాత క్యారెక్టర్ని పెట్టాలనే ఐడియాని ఇంప్లిమెంట్ చేయడమే కాకుండా ఆ క్యారెక్టర్ తాలూకు సీన్స్, డైలాగ్స్ అన్నీ కూడా కళ్యాణ్కృష్ణ దర్శకత్వంలోనే చిత్రీకరించారు. మరి ఈ తాత పాత్ర కేవలం ఫస్ట్ ఎపిసోడ్ వరకేనా లేదా ప్రతి వారం కంటిన్యూ అవుతుందా అనేది తెలియదు. ఈ క్యారెక్టర్ ఇలాగే కొనసాగి, క్లిక్ అయితే బంగార్రాజు ప్రాజెక్ట్ కూడా పట్టాలెక్కుతుందేమో. లేదంటే కళ్యాణ్కృష్ణ తన బంగార్రాజుని ఇలా బిగ్బాస్లో గెస్ట్ అప్పీయరెన్స్ లో చూసుకుని సంతృప్తి పడాల్సిందే.