‘నిన్ను చూడకుండా ఉండలేకపోతున్నాను’ అని ప్రియా ప్రకాశ్‌ వారియర్‌ పాట అందుకుంటే ‘మార్నింగ్‌ అవ్వకముందే వెలుగుల్తో వచ్చేస్తాను. ఫుల్‌మూన్‌ లేకుండానే వెన్నెల్లో ముంచేస్తాను’ అని నితిన్‌ అన్నారు. నితిన్‌ , ప్రియా ప్రకాశ్‌ల ఈ ప్రేమ పాట ‘చెక్‌’ సినిమా కోసమే. చంద్రశేఖర్‌ ఏలేటి దర్శకత్వంలో నితిన్‌, రకుల్‌ప్రీత్‌ సింగ్, ప్రియా ప్రకాశ్‌ వారియర్‌ లీడ్‌ రోల్స్‌లో వి. ఆనంద్‌ ప్రసాద్‌ నిర్మించిన చిత్రం ‘చెక్‌’.
ఈ సినిమాలోని ‘నిన్ను చూడకుండా’ అనే పాటను గోవాలో చిత్రీకరించారు. ‘‘నితిన్‌ , ప్రియా ప్రకాశ్‌ వారియర్‌లపై చిత్రీకరించిన ఈ పాటతో సినిమా షూటింగ్‌ పూర్తయింది. ఈ పాటకు కల్యాణీ మాలిక్‌ సంగీతం అందించారు. శ్రీమణి లిరిక్స్‌ ఇచ్చారు. కథ ప్రకారం సినిమాలో ఒక్క పాట మాత్రమే ఉంటుంది. ఈ సినిమాను ఈ నెల 26న విడుదల చేస్తున్నాం’’ అని నిర్మాత అన్నారు.