నిత్యా.. సాయి పల్లవి ఇప్పుడు నివేదా

సినిమా ఇండస్ట్రీలో హీరోయిన్స్ ఎక్కువ శాతం స్కిన్ షో చేయడం ద్వారా పాపులారిటీ అయ్యారు అనడంలో సందేహం లేదు. ఎప్పటి వరకు అయితే అందాలను దాస్తారో అప్పటి వరకు అవకాశాలు రావడమే కష్టంగా ఉంటుంది అనే టాక్ ఉంది. పూజా హెగ్డేనే ఉదాహరణగా తీసుకుంటే ఆమె మొదటి రెండు సినిమాల్లో చాలా పద్దతిగా కనిపించింది. కనీసం నడుము కూడా ఆమె చూపించకుండా పద్దతిగా నటించింది. ఆ రెండు సినిమాలు పెద్దగా ఆడలేదు.. ఆమెకు కూడా గుర్తింపు రాలేదు. కాని డీజే లో ఈ అమ్మడి అందాల ఆరబోత ఓ రేంజ్ లో ఉంటుంది. దాంతో ఒక్కసారిగా ఇండస్ట్రీ దృష్టి ఈ అమ్మడిపై పడింది.

ఇక అల వైకుంఠ పురంలో ఈమె థైస్ బ్యూటీ గురించి చెబుతూ ఉండే సన్నివేశాలు ఆమె అందంను మరింతగా పెంచాయి అనడంలో సందేహం లేదు. అందుకే ఆమె టాలీవుడ్ లో మోస్ట్ బిజీ హీరోయిన్ గా మారిపోయింది. చాలా మంది హీరోయిన్స్ అందాల ప్రదర్శణ చేసి మాత్రమే స్టార్ హీరోయిన్ గా మారారు. కాని కొందరు మాత్రం ఆఫర్లు లేకున్నా పర్వాలేదు కాని తాము మాత్రం స్కిన్ షో చేయం అంటూ తేల్చి చెబుతున్నారు.

నిత్యా మీనన్ గురించి అందరికి తెల్సిందే. సుదీర్ఘ కాలంగా కెరీర్ ను కొనసాగిస్తున్న ఈమె ఇప్పటి వరకు స్కిన్ షో చేయలేదు. అయినా కూడా తన నటన మరియు బొద్దుగా ఉండే అందంతో ఆఫర్లు దక్కించుకుంటూ వస్తుంది. నిత్యా మీనన్ తర్వాత ఒకరు ఇద్దరు స్కిన్ షో కు నో చెప్పడంతో కనిపించకుండా పోయారు. కానిస ఆయి పల్లవి మాత్రం ఇండస్ట్రీలో టాప్ లో కొనసాగుతోంది. ఇప్పటి వరకు ఈమె ఏ భాషలో నటించినా కూడా స్కిన్ షో మాత్రం చేయలేదు. స్కిన్ షో చేసే విషయమై పూర్తి విరుద్దంగా మాట్లాడే ఈమె ఎక్కువగా పాత్రకు ప్రాముఖ్యత ఉన్న పాత్రలను మాత్రమే చేస్తూ వస్తోంది. అందుకే ఈమె స్కిన్ షో చేయాల్సిన అవసరం రాలేదు.

ముందు ముందు కూడా ఈమె స్కిన్ షో చేయబోవడం లేదట. ఇక ఈ జాబితాలో ముద్దుగుమ్మ బొద్దుగుమ్మ నివేదా థామస్ చేరింది. పద్దతైన ఫ్యామిలీ నుండి వచ్చానంటూ స్కిన్ షో చేయను అంటూ మొదటి నుండే మేకర్స్ కు కండీషన్స్ ను ఈమె పెడుతుందట. ఒక మోస్తరు వరకు మోడ్రన్ డ్రస్ లు వేసేందుకు ఓకే కాని అంతకు మించి స్కిన్ షో ను చేసేందుకు అస్సలు ఒప్పుకోను అంటోంది. తెలుగు లో ఈమెకు హీరోయిన్ గా వస్తున్న ఆఫర్లు చాలా తక్కువ. అయినా కూడా ఆఫర్ల కోసం ప్రాకులాడుతూ స్కిన్ షో కు సిద్దం అవ్వడం లేదు.

వకీల్ సాబ్ సినిమా లో కీలక పాత్రలో కనిపించిన ఈమె ముందు ముందు కూడా అలాంటి పాత్రల్లో అయినా నటించేందుకు సిద్దం కాని స్కిన్ షో కు మాత్రం ఒప్పుకునే అవకాశం లేదు అంటోంది. ఇప్పటికే ఇండస్ట్రీలో అడుగు పెట్టి చాలా కాలం అయ్యింది. ఇంకా ఆఫర్లు దక్కించుకునేందుకు ప్రయత్నాలు చేస్తోంది. ముందు ముందు కూడా ఈమె స్కిన్ షో చేయను అంటోంది. కనుక ఈమె కెరీర్ ఎన్నాళ్లు కొనసాగుతుందో చూడాలంటే కొందరు కామెంట్స్ చేస్తున్నారు. టాలీవుడ్ తో పాటు కోలీవుడ్ లో కూడా ఈమె కు అడపా దడపా ఆఫర్లు వస్తున్నాయి. వాటితో కెరీర్ ను నెట్టుకు వస్తుంది.

ఈమె తెలుగు ఇప్పటికే పలు సక్సెస్ సినిమాల్లో నటించింది. కాని అందులో మినిమం స్కిన్ షో చేయలేదు. డాన్స్ మరియు నటన విషయంలో ఈ అమ్మడు ఎంతో మంది ముద్దుగుమ్మలకు ఆదర్శంగా నిలుస్తుంది. కనుక ఈ అమ్మడు ముందు ముందు సాయి పల్లవి.. నిత్యా మీనన్ ల మాదిరిగా మంచి హీరోయిన్ గా పేరు దక్కించుకుంటుందని అంటున్నారు.