ఆర్ ఆర్ ఆర్ పూర్తైన తర్వాత త్రివిక్రమ్ శ్రీనివాస్ తో ఎన్టీఆర్ మరోసారి పనిచేయనున్నాడు. ఈమేరకు అధికారిక ప్రకటన ఎప్పుడో వచ్చిన విషయం తెల్సిందే. అయితే కోవిద్ కారణంగా ఈ సినిమా పట్టాలెక్కడానికి చాలా ఆలస్యమైంది.
ఈ నేపథ్యంలో ఈ ప్రాజెక్ట్ పై బోలెడన్ని రూమర్స్ షికార్లు చేయడం మొదలైంది. అయితే వాటిని పటాపంచలు చేస్తూ ఈరోజు అధికారిక ప్రకటన వచ్చింది. న్యూ ఇయర్ సందర్భంగా ఈరోజు ఉదయం త్రివిక్రమ్ శ్రీనివాస్, నిర్మాత నాగవంశీతో పాటు ఎన్టీఆర్ ను కలిశారు. ఈ సందర్భంగా వీరి కాంబినేషన్ లో చిత్రం అతి త్వరలోనే పట్టాలెక్కబోతోంది అని అధికారికంగా తెలియజేసారు. నందమూరి కళ్యాణ్ రామ్ ఈ చిత్రానికి మరో నిర్మాత.