ఇక ఇప్పుడు ఆర్ ఆర్ ఆర్ వంతు వచ్చింది. ఇద్దరు టాప్ హీరోలు ఎన్టీఆర్, రామ్ చరణ్ ఈ సినిమాలో హీరోలుగా చేస్తున్నారు. అది చాలుగా పబ్లిసిటీను పీక్స్ లో దంచికొట్టడానికి. వెంటనే రాజమౌళి బుర్ర పదునెక్కింది. రామ్ చరణ్ పుట్టినరోజు సందర్భంగా తన విజువల్స్ తో ఎన్టీఆర్ వాయిస్ ఓవర్ తో వీడియోను రిలీజ్ చేయాలని నిర్ణయించుకున్నాడు. ఇది ఊహించుకుంటేనే కచ్చితంగా హిట్ అవుతుందని అనిపించిందని రాజమౌళి చెప్పడంలోనే తెలుస్తోంది దీని ఎఫెక్టివ్ నెస్.
రామ్ చరణ్ పుట్టినరోజు కానుకగా ఇలా చేయాలని ఎప్పుడో అనుకున్నారట. అందుకే లాక్ డౌన్ కాకముందే ఈ టీజర్ సంబంధించిన వర్క్ దాదాపు 80 శాతం పూర్తయిందని, తర్వాత లాక్ డౌన్ వల్ల వీడియో రిలీజ్ చేద్దామా వద్దా అని నిర్ణయించుకుని మొత్తానికి విడుదల చేశామని తెలిపాడు.
అయితే ఎన్టీఆర్ పుట్టినరోజు మే20న వస్తోంది. ఆ రోజు ఎన్టీఆర్ విజువల్స్ కు రామ్ చరణ్ వాయిస్ ఓవర్ ఉంటుందని ఎవరైనా ఇట్టే గెస్ కొట్టొచ్చు. అయితే జక్కన్న మాత్రం ఎక్కువ ఆశలు పెట్టుకోకండి అంటున్నాడు. ఎందుకంటే ఎన్టీఆర్ టీజర్ కు సంబంధించి తమ వద్ద కంటెంట్ ఏం లేదని, ఒక వేళ పరిస్థితి ఇలానే ఉంటే కనుక వీడియో విడుదల చేయడం అవ్వడాన్ని ఇన్ డైరెక్ట్ గా చెప్పేసాడు. సో మే 3తో లాక్ డౌన్ ఎత్తేస్తేనే ఎన్టీఆర్ వీడియోను ఆశించవచ్చు.