ఒరిజినల్ వెర్షన్ కు అదనంగా హంగులు, ఆర్భాటాలు చేర్చినట్లు తెలుస్తోంది. పింక్ లో లేని విధంగా వకీల్ సాబ్ లో హీరోయిన్ పాత్ర నిడివిని పెంచారు. పవన్ కు ఆ హీరోయిన్ కు మధ్య ఒక సాంగ్ ను కూడా అనుకున్నట్లు తెలుస్తోంది. అయితే లాక్ డౌన్ కారణంగా నెలన్నర నుండి షూటింగ్ లు లేవు కాబట్టి ఇప్పుడు వకీల్ సాబ్ లో కీలకమైన మార్పులు చేర్పులు చేస్తున్నట్లు తెలుస్తోంది.
తిరిగి షూటింగ్ లు ఎప్పుడు మొదలవుతాయో తెలీదు. మొదలైన వెంటనే చకచకా షూటింగ్ లను పూర్తి చేసి సినిమాను విడుదలకు సిద్ధం చేయాలని టీమ్ భావిస్తోంది. అందుకే వకీల్ సాబ్ లో హీరోయిన్ పాత్రకు కత్తెర పడినట్లు సమాచారం. ఆమె నిడివిని బాగా తగ్గించేసారట. పాట కూడా ఇప్పుడు వద్దు అనుకుంటున్నట్లు తెలుస్తోంది.
వకీల్ సాబ్ లో పవన్ కు హీరోయిన్ గా ముందు శృతి హాసన్ ను అనుకున్నారు. అయితే ఆమె అలాంటిదేం లేదని తేల్చి చెప్పేసింది. మరి కామియో వంటి పాత్రకు ఏ హీరోయిన్ ఓకే చెబుతుంది అనేది చూడాలి.