పవన్‌ ఆర్థిక అవసరాల కోసం అంటూ వరుసగా సినిమాలకు కమిట్‌ అయ్యాడు. ఇప్పటికే వకీల్‌ సాబ్‌ చిత్రంతో పాటు క్రిష్‌ దర్శకత్వంలో ఒక చిత్రం హరీష్‌ శంకర్‌ దర్శకత్వంలో మరో సినిమాను చేయబోతున్నాడు. ఇదే సమయంలో డాలీతో కూడా ఒక సినిమాను చేయబోతున్నట్లుగా ఇటీవల వార్తలు వచ్చాయి. ఈ సినిమాలే కాకుండా త్రివిక్రమ్‌ కూడా పవన్‌ కోసం ఒక స్క్రిప్ట్‌ను రెడీ చేస్తున్నట్లుగా సమాచారం అందుతోంది.
వచ్చే ఏడాది ఎన్టీఆర్‌, త్రివిక్రమ్‌ల మూవీ రాబోతుంది. ఆ చిత్రం తర్వాత పవన్‌తో త్రివిక్రమ్‌ మూవీ ఉంటుందని సినీ వర్గాల ద్వారా సమాచారం అందుతోంది. త్రివిక్రమ్‌, పవన్‌ల కాంబోలో కోబలి అనే సినిమాను అనుకున్నారు. కాని ఆ సినిమా ఎక్కువ డేట్లు అవసరం అవుతాయి. దాంతో ఆ ప్రాజెక్ట్‌ కాకుండా కేవలం మూడు నాలుగు నెలల్లో పూర్తి చేయగల స్క్రిప్ట్‌ను త్రివిక్రమ్‌ రెడీ చేస్తున్నాడట. అజ్ఞాతవాసితో నిరాశపర్చినందుకు పవన్‌ ఫ్యాన్స్‌ను ఈసారి సంతృప్తి పర్చాలని త్రివిక్రమ్‌ అత్తారింటికి దారేది రేంజ్‌లో స్క్రిప్ట్‌ను రెడీ చేస్తున్నాడట. అయితే ఈ సినిమా వచ్చేందుకు కనీసం రెండేళ్లు అయినా పట్టవచ్చు అంటున్నారు.