ఇటీవల హాట్‌ బ్యూటీ పూజా హెగ్డే తన పోస్ట్‌ లాక్‌డౌన్‌ ప్లాన్‌ను తెలియజేసింది. లాక్‌ డౌన్‌ తర్వాత కూడా కొంత కాలం వరకు ఖచ్చితంగా విదేశాలకు ప్రయాణించడంపై ఆంక్షలు ఉంటాయి. కనుక ఇండియాలోనే హాలీడేకు వెళ్లాలని పూజా హెగ్డే నిర్ణయించుకుంది. కేరళలోని బెకల్‌ బీచ్‌కు వెళ్లాలని పూజా హెగ్డే భావిస్తుందట. లాక్‌డౌన్‌ను ఎత్తివేసిన వెంటనే ఈమె తన స్నేహితులతో ఆ బీచ్‌కు వెళ్లాలనే నిర్ణయానికి వచ్చిందట. ఆ బీచ్‌ కేరళలోనే కాకుండా దేశంలోనే అత్యంత ప్రముఖ బీచ్‌ల్లో ఒకటి.
పూజా హెగ్డే ఆ బీచ్‌కు రెగ్యులర్‌గా వెళ్లేదట. ఈసారి అక్కడకు వెళ్లక చాలా రోజులు అయ్యింది కనుక వెంటనే వెళ్లాలనిపిస్తుందని చెప్పుకొచ్చింది. లాక్‌డౌన్‌ తర్వాత పూజా హెగ్డే మాత్రమే కాకుండా చాలా మంది స్టార్స్‌ కూడా హాలీడేకు వెళ్లాలని ప్రయత్నాలు చేస్తున్నారు. ఇప్పటి నుండే ఆ ప్రయత్నాల్లో మునిగి ఉన్నారు. అయితే పూజా హెగ్డే మాత్రం అప్పుడే చెప్పేసింది. ఇంటికే పరిమితం అయ్యి బంధీగా ఉన్నట్లుగా ఉన్న సెలబ్రెటీలు అంతా కూడా వెంటనే హాలీడేకు వెళ్లబోతున్నారు. కాని ఈ లాక్‌డౌన్‌ ను మళ్లీ కొనసాగించే అవకాశం ఉన్న కారణంగా వారి ఆశలు అడియాశలు అవుతాయేమో చూడాలి.