ఈ ఏడాది చివర్లో ప్రభాస్‌ 21 చిత్రం ప్రారంభం అయ్యే అవకాశాలు కనిపిస్తున్నాయి. ఈ చిత్రంలో హీరోయిన్‌గా కియారా అద్వానీని పరిశీలిస్తున్నట్లుగా వార్తలు వస్తున్నాయి. ఇదే సమయంలో ఈ చిత్రంలో విలన్‌ పాత్రకు గాను కోలీవుడ్‌ సినియర్‌ స్టార్‌ నటుడు అరవింద్‌ స్వామిని ఎంపిక చేశారు. పాన్‌ ఇండియా మూవీగా ప్రభాస్‌ 21 రూపొందుతోంది. అందుకోసమే అన్ని భాషల నుండి ప్రముఖ నటీనటులను ఎంపిక చేస్తున్నట్లుగా సినీ వర్గాల వారు అంటున్నారు.
ప్రస్తుతం సినిమాలకు సంబంధించిన నటీనటుల విషయమై చర్చ జరుగుతున్న నేపథ్యంలో ఒక పాత్రకు అరవింద్‌ స్వామి అయితే బాగుంటుందనే ఉద్దేశ్యంకు నాగ్‌ అశ్విన్‌ రావడం అందుకు ఆయనతో మాట్లాడటం కూడా జరిగిందట. ప్రభాస్‌తో మూవీ అంటే అరవింద్‌ స్వామి ఎక్కువగా ఆలోచించకుండా స్టోరీ లైన్‌ విని తన పాత్రకు సంబంధించిన సీన్స్‌ గురించి తెలుసుకుని ఓకే చెప్పాడని ఇండస్ట్రీలో టాక్‌ వినిపిస్తుంది.
ఎప్పటి నుండో అరవింద్‌ స్వామికి తెలుగులో ఫ్యాన్‌ ఫాలోయింగ్‌ ఉంది. తెలుగులో ఈయన చాలా కాలం తర్వాత ధృవ చిత్రంలో నటించాడు. చరణ్‌ ను ఢీ కొట్టడంలో అరవింద్‌ స్వామి సూపర్‌ హిట్‌ అయ్యాడు. అందుకే ఈ చిత్రంలో ప్రభాస్‌కు పోటీగా సరితూగే అరవింద్‌ స్వామిని ఎంపిక చేశారట.